ەلٸمٸزدە جانار-جاعارماي نارىعىنا قولداۋ كٶرسەتٸلٸپ, ونى ەلدەن زاڭسىز ەكەتۋدٸڭ جولىن كەسۋ ٷشٸن تيٸستٸ شارالار قابىلدانادى. بۇل تۋرالى پرەمەر-مينيستر ەليحان سمايىلوۆ مەلٸم ەتتٸ, دەپ حابارلايدى قازاقپارات.

«جانار-جاعارماي نارىعىنداعى جاعدايدى تۇراقتاندىرۋ ٷشٸن باعا ايىرماشىلىعىن تٶمەندەتۋ كەرەك. بۇل ەلدەن مۇناي ٶنٸمدەرٸنٸڭ جاپپاي شىعارىلۋىن ازايتۋعا جەنە ٸشكٸ نارىقتى قامتاماسىز ەتۋگە مٷمكٸندٸك بەرەدٸ. بٸزدە بۇدان باسقا جول جوق. دەگەنمەن اۋىل شارۋاشىلىعى تاۋارىن ٶندٸرۋشٸلەرگە ارزانداتىلعان ديزەل تولىعىمەن بٶلٸندٸ. ولارعا باعا 204 تەڭگە كٷيٸندە قالا بەرمەك», - دەدٸ ەليحان سمايىلوۆ ٷكٸمەت وتىرىسىنان كەيٸن باق ٶكٸلدەرٸ الدىندا مەلٸمدەمە جاساي تۇرىپ.

«ناۋرىز ايىنىڭ ٶزٸندە جانار-جاعارماي تۇتىنۋ كٶلەمٸ ٶتكەن جىلمەن سالىستىرعاندا 15%-عا ٶسكەن. ەگەر رەسپۋبليكا باعا ايىرماشىلىعىن قىسقارتپاسا, وندا بيىل 850 مىڭ تونناعا دەيٸن كٶلەمدە جانارماي تاپشىلىعىنا ۇرىنامىز. سونىمەن قاتار جانارماي ٶندٸرۋدە ٸشكٸ نارىقتى قولداۋ جەنە ەلدەن زاڭسىز ەكەتۋدٸڭ جولىن كەسۋ ٷشٸن تيٸستٸ شارالاردى قابىلدايمىز», — دەپ تولىقتىردى ٷكٸمەت باسشىسى.