پرەمەر-مينيستر ە.سمايىلوۆ مەملەكەت باسشىسىنىڭ ەلٸمٸزدٸ قارقىندى تٷردە دامىتۋ, ەكونوميكانىڭ تۇراقتىلىعى مەن بەسەكەگە قابٸلەتتٸلٸگٸن ارتتىرۋ جەنە حالىقتىڭ تۇرمىس دەڭگەيٸ مەن ەل-اۋقاتىن جاقسارتۋ جٶنٸندە اسا اۋقىمدى مٸندەتتەر قويۋىنا بايلانىستى بٸرقاتار مەسەلەگە نازار اۋداردى, - دەپ حابارلايدى Tengrinews.kz تٸلشٸسٸ.
ٷكٸمەت باسشىسى ۇلتتىق ەكونوميكا مينيسترلٸگٸ مەن ۇلتتىق بانككە تاپسىرما بەردٸ.
"مەملەكەت باسشىسى داعدارىسقا قارسى شارالار پاكەتٸن تەز ارادا جٷزەگە اسىرۋدى تاپسىردى. داعدارىسقا قارسى شارالار ەكونوميكانى قولداۋعا, ينفلياتسييانى باقىلاۋدى كٷشەيتۋگە, ۆاليۋتا نارىعىن تۇراقتاندىرۋعا, جاڭا جۇمىس ورىندارىن قۇرۋعا, سونداي-اق كەسٸپكەرلٸكتٸ دامىتۋعا باعىتتالعان. وسىعان بايلانىستى ۇلتتىق ەكونوميكا مينيسترلٸگٸ مەن ۇلتتىق بانك جاۋاپتى مەملەكەتتٸك ورگاندارمەن بٸرلەسە وتىرىپ, داعدارىسقا قارسى جوسپاردى 25 ناۋرىزعا دەيٸن ەنگٸزۋدٸ تاپسىرامىن", - دەدٸ ول.
پرەمەر-مينيستر ٶڭٸرلەردٸ دامىتۋعا قاتىستى ۇلتتىق ەكونوميكا مينيسترلٸگٸنە جول كارتاسىن ەنگٸزۋدٸ تاپسىردى.
"جولداۋدىڭ نەگٸزگٸ باسىمدىقتارىنىڭ بٸرٸ - ايماقتاردى دامىتۋ ٸسٸنە تىڭ سەرپٸن بەرۋ. اباي, ۇلىتاۋ جەنە جەتٸسۋ وبلىستارىنىڭ قۇرىلۋى وسى ٶڭٸرلەردٸڭ ەلەۋمەتتٸك-ەكونوميكالىق دامۋىن جاڭا دەڭگەيگە كٶتەرٸپ, جەرگٸلٸكتٸ تۇرعىنداردىڭ پروبلەمالارىن جەدەل شەشۋگە مٷمكٸندٸك بەرەدٸ. وسى رەتتە, ٷكٸمەتتٸڭ الدىندا مەملەكەت باسشىسىنىڭ تاپسىرماسىن نەتيجەلٸ ٸسكە اسىرۋ مٸندەتٸ تۇر. بۇل ٷشٸن ٶڭٸرلەردٸ قارجىلاندىرۋ تەرتٸبٸن قايتا قاراپ, بيۋدجەتارالىق قاتىناستاردىڭ وڭتايلى مودەلٸن ەزٸرلەۋ قاجەت. سونداي-اق, ٶڭٸرلەر ٷشٸن مەملەكەتتٸك ساتىپ الۋ تەرتٸبٸن جەڭٸلدەتۋ مەسەلەسٸن پىسىقتاۋ كەرەك. جاڭا وبلىستاردى قۇرۋ بويىنشا جۇمىستاردى جەدەل ۇيىمداستىرۋ ٷشٸن ۇلتتىق ەكونوميكا مينيسترلٸگٸنە مٷددەلٸ مەملەكەتتٸك ورگاندارمەن بٸرلەسە وتىرىپ, بٸر اپتادا تيٸستٸ جول كارتاسىن ەنگٸزۋدٸ تاپسىرامىن", - دەدٸ ٷكٸمەت باسشىسى.
سونىمەن قاتار, ازىق-تٷلٸك مەسەلەسٸ تۋرالى پٸكٸر بٸلدٸردٸ.
"قازٸرگٸ كٷردەلٸ كەزەڭدە ەلٸمٸزدٸڭ ازىق-تٷلٸك قاۋٸپسٸزدٸگٸن قامتاماسىز ەتۋدٸڭ ماڭىزى زور. مەملەكەت باسشىسى ەگٸس ناۋقانىن ەرەكشە باقىلاۋعا الۋدى تاپسىردى. اۋىل شارۋاشىلىعى مينيسترلٸگٸ كٶكتەمگٸ ەگٸس جۇمىستارىن جٷرگٸزۋ جٶنٸندەگٸ جەدەل شتابتا شارۋالاردى تۇقىممەن, تىڭايتقىشتارمەن, جانار-جاعارمايمەن, تەحنيكامەن جەنە سۋمەن قامتاماسىز ەتۋگە كٷندەلٸكتٸ مونيتورينگ جٷرگٸزۋٸ تيٸس. سونداي-اق, تۇراقتاندىرۋ قورلارىنا اۋىل شارۋاشىلىعى ٶنٸمدەرٸن ساتىپ الۋ ٷشٸن فورۆاردتىق كەلٸسٸمشارتتاردى ۋاقىتىلى بەكٸتۋ بويىنشا ەكٸمدٸكتەردٸڭ جۇمىسىن ٷيلەستٸرۋدٸ تاپسىرامىن. بارلىق قابىلدانعان شارا باعانىڭ ٶسۋٸن تەجەۋگە وڭ ىقپال ەتۋٸ تيٸس. حالىق بٸزدەن وسىنى كٷتٸپ وتىر. سونىمەن قاتار, قازٸرگٸ بولجام بويىنشا كەيبٸر ٶڭٸرلەردە جاۋىن-شاشىن از بولۋى مٷمكٸن. سوندىقتان قاجەت شەشٸمدەر قابىلداندى. سۋمەن قامتاماسىز ەتۋ مەسەلەسٸن ەرەكشە باقىلاۋدا ۇستاۋ قاجەت. بٸز بىلتىرعىداي مال ازىعىنىڭ تاپشىلىعىنا جول بەرمەۋٸمٸز كەرەك. بيىل ەكٸمدٸكتەرگە جەمشٶپ ەگٸس القاپتارىن ۇلعايتۋدى تاپسىرامىن. سونداي-اق, ەگٸس جۇمىستارىنىڭ بارىسى, ەلەۋمەتتٸك ماڭىزى بار ازىق-تٷلٸك ٶنٸمدەرٸنٸڭ جەتكٸلٸكتٸ قورى تۋرالى اۋىل شارۋاشىلىعى مينيسترلٸگٸ مەن ەكٸمدٸكتەر حالىقتى كەڭٸنەن حاباردار ەتۋٸ كەرەك. اۋىل شارۋاشىلىعى ٶندٸرۋشٸلەرٸنە سۋبسيدييا بەرۋ جۇمىستارىن دا جارييالاپ وتىرۋ قاجەت", - دەدٸ ول.
ٷكٸمەت باسشىسى پرەزيدەنت جولداۋىنىڭ مەنٸ تۋرالى پٸكٸر بٸلدٸردٸ.
"تٷپتەپ كەلگەندە, جولداۋدىڭ نەگٸزٸ مەنٸ – حالقىمىزدىڭ اماندىعى مەن ەلدٸڭ ٶركەندەۋٸ. ٷكٸمەت ەربٸر ازاماتتىڭ ٶز مٷمكٸندٸگٸن تولىق ٸسكە اسىرۋى مەن قاجىرلى ەڭبەگٸنٸڭ لايىقتى باعالانۋى ٷشٸن قاجەتتٸ شارالاردى قابىلدايدى. بٸز قوعاممەن ٶزارا بايلانىس اۋقىمىن كەڭەيتٸپ, حالقىمىزدىڭ بٸرلٸگٸن نىعايتۋ جٶنٸندە ٷلكەن جۇمىستار جٷرگٸزۋٸمٸز قاجەت. سوندىقتان اقپارات مينيسترلٸگٸ وسى باعىتتا بەلسەندٸ جۇمىستاردى ٸسكە اسىرۋى كەرەك. گەوساياسي سىن-قاتەرلەر جاعدايىندا وتاندىق بۇقارالىق اقپارات قۇرالدارىنىڭ رٶلٸن ارتتىرۋعا ايرىقشا ماڭىز بەرٸلٸپ وتىر. وسىعان بايلانىستى پرەزيدەنت "بۇقارالىق اقپارات قۇرالدارى تۋرالى" زاڭدى قايتا قاراۋدى تاپسىردى. بۇل زاڭدى جۋرناليستەر جەنە ساراپشىلار قاۋىمىمەن اقىلداسا وتىرىپ, قابىلداۋمىز قاجەت. اقپارات مينيسترٸنە وسى جۇمىستى تيياناقتى ەرٸ جوعارى دەڭگەيدە ۇيىمداستىرۋدى تاپسىرامىن. ٷكٸمەت مٷشەلەرٸ جۋرناليستەرمەن تىعىز بايلانىستا جۇمىس ٸستەۋٸ تيٸس. اشىق جۇمىس قانا قوعامنىڭ ٷكٸمەتكە دەگەن سەنٸمٸن قالىپتاستىرادى. سول ٷشٸن مەملەكەت باسشىسىنىڭ جولداۋىندا ايتىلعان تاپسىرمالاردىڭ ورىندالۋ بارىسى تۋرالى ازاماتتاردى تۇراقتى تٷردە حاباردار ەتٸپ وتىرۋ قاجەت", - دەدٸ سمايىلوۆ.
پرەمەر-مينيستر جولداۋدا ايتىلعان مٸندەتتەردٸ ٸسكە اسىرۋ ٷشٸن ۇسىنىلىپ وتىرعان رەفورمالاردى زاڭنامالىق قامتاماسىز ەتۋ بويىنشا اۋقىمدى جۇمىس جٷرگٸزۋ كەرەگٸن ايتتى. سوندىقتان ەدٸلەت مينيسترلٸگٸ وسى جۇمىستاردى ٷيلەستٸرٸپ, كەيٸن پارلامەنتكە ەنگٸزۋ ٷشٸن مەملەكەتتٸك ورگاندارمەن بٸرلەسٸپ, بارلىق زاڭ جوباسىن دايىنداپ تالقىلاۋعا قازٸردەن باستاپ كٸرٸسۋٸ قاجەت ەكەنٸن جەتكٸزدٸ.
