بٷگٸن ٷكٸمەت وتىرىسىندا پرەمەر-مينيستر باقىتجان ساعىنتاەۆ قازاقستاننىڭ اگروٶنەركەسٸپتٸك كەشەنٸن تسيفرلاندىرۋ مەسەلەلەرٸ بويىنشا بٸرقاتار ناقتى تاپسىرما بەردٸ, دەپ حابارلايدى "ۇلت اقپارات".
اۋىل شارۋاشىلىعىنىڭ بٸرٸنشٸ ۆيتسە-مينيسترٸ ا. ەۆنيەۆتٸڭ, اقپارات جەنە كوممۋنيكاتسييالار مينيسترٸ د. اباەۆتىڭ, قوستاناي وبلىسىنىڭ ەكٸمٸ ا. مۇحامبەتوۆ پەن سولتٷستٸك قازاقستان وبلىسىنىڭ ەكٸمٸ ق. اقساقالوۆتىڭ, سونداي-اق اگروٶنەركەسٸپ سەكتورى ٶكٸلدەرٸنٸڭ باياندامالارىن تىڭداعاننان كەيٸن, باقىتجان ساعىنتاەۆ مەملەكەت باسشىسى اۋىل شارۋاشىلىعىن ەكونوميكا درايۆەرٸ رەتٸندە اتاپ كٶرسەتكەنٸن ايتتى. اتالعان مٸندەتتٸ جٷزەگە اسىرۋ ٷشٸن اگروٶنەركەسٸپ كەشەنٸن جوعارى تەحنولوگييالىق, يننوۆاتسييالىق سەكتورعا اينالدىرۋ كەرەك.
جالپى, اۋىل شارۋاشىلىعى مينيسترلٸگٸنٸڭ جۇمىس تەتٸكتەرٸنە قولداۋ كٶرسەتٸلگەن. سونىمەن قاتار پرەمەر-مينيستر اٶك تسيفرلاندىرۋدىڭ تيٸمدٸلٸك كٶرسەتكٸشتەرٸن قايتا قاراۋدى, سونداي-اق, 2020 جىلعا قاراي «تسيفرلىق قازاقستان» مەملەكەتتٸك باعدارلاماسىنا سەيكەس جول كارتاسىنا ەنگٸزٸلگەن اۋىلدىق ەلدٸ مەكەندەردٸ كەڭ جولاقتى ينتەرنەتپەن قامتاماسىز ەتۋدٸ تاپسىردى.
جالپى تسيفرلاندىرۋ جۇمىسىن ٷيلەستٸرۋگە جاۋاپتى — قر پرەمەر-مينيسترٸنٸڭ ورىنباسارى ا. جۇماعاليەۆ, سالاعا باقىلاۋ جاساۋ — پرەمەر-مينيستردٸڭ ورىنباسارى, اۋىل شارۋاشىلىعى مينيسترٸ ٶ. شٶكەەۆكە جٷكتەلدٸ.
