Búgin Úkimet otyrysynda Premer-Ministr Baqytjan Saǵyntaev Qazaqstannyń agroónerkásiptik keshenin tsifrlandyrý máseleleri boiynsha birqatar naqty tapsyrma berdi, dep habarlaidy "Ult aqparat".
Aýyl sharýashylyǵynyń birinshi vitse-ministri A. Evnievtiń, aqparat jáne kommýnikatsiialar ministri D. Abaevtyń, Qostanai oblysynyń ákimi A. Muhambetov pen Soltústik Qazaqstan oblysynyń ákimi Q. Aqsaqalovtyń, sondai-aq agroónerkásip sektory ókilderiniń baiandamalaryn tyńdaǵannan keiin, Baqytjan Saǵyntaev Memleket basshysy aýyl sharýashylyǵyn ekonomika draiveri retinde atap kórsetkenin aitty. Atalǵan mindetti júzege asyrý úshin agroónerkásip keshenin joǵary tehnologiialyq, innovatsiialyq sektorǵa ainaldyrý kerek.
Jalpy, aýyl sharýashylyǵy ministrliginiń jumys tetikterine qoldaý kórsetilgen. Sonymen qatar Premer-Ministr AÓK tsifrlandyrýdyń tiimdilik kórsetkishterin qaita qaraýdy, sondai-aq, 2020 jylǵa qarai «Tsifrlyq Qazaqstan» memlekettik baǵdarlamasyna sáikes Jol kartasyna engizilgen aýyldyq eldi mekenderdi keń jolaqty internetpen qamtamasyz etýdi tapsyrdy.
Jalpy tsifrlandyrý jumysyn úilestirýge jaýapty — QR Premer-Ministriniń orynbasary A. Jumaǵaliev, salaǵa baqylaý jasaý — Premer-Ministrdiń orynbasary, aýyl sharýashylyǵy ministri Ó. Shókeevke júkteldi.
