قازاقستان ٷكٸمەتٸ ەلەۋمەتتٸك جاعدايى تٶمەن ازاماتتاردىڭ بورىشىن تٶلەۋگە مەملەكەتتەن بٶلٸنەتٸن قاراجاتتى پايدالانۋ تەرتٸبٸ تۋرالى قۇجات جوباسىن قوعامدىق تالقىلاۋعا ۇسىندى. 30 ماۋسىمدا ەلەكتروندىق ٷكٸمەت پورتالىندا جارييالانعان قۇجات 15 شٸلدەگە دەيٸن تالقىلانادى.
وعان سەيكەس, ەڭبەك جەنە حالىقتى ەلەۋمەتتٸك قورعاۋ مينيسترلٸگٸ 2019 جىلعى 15 شٸلدەگە دەيٸن كٶمەككە مۇقتاج ادامداردىڭ تٸزٸمٸن جيناپ, ونى "مەملەكەتتٸك كرەديتتٸك بيۋروعا" جٸبەرەدٸ. كرەديتتٸك بيۋرو بۇل تٸزٸمدٸ 20 شٸلدەگە دەيٸن ەكٸنشٸ دەڭگەيدەگٸ بانكتەرگە جەنە ميكروقارجى ۇيىمدارىنا جولدايدى. ولار 25 شٸلدەگە دەيٸن نەگٸزگٸ بورىش, سىياقى جەنە جىلدىق تيٸمدٸ سىياقى ستاۆكاسىنىڭ مٶلشەرٸ بويىنشا بەرەشەكتٸ كٶرسەتە وتىرىپ, ەربٸر قارىز نەمەسە ميكروكرەديت بويىنشا بٶلە وتىرىپ كرەديتتٸك بيۋروعا جولدايدى.
كرەديتتٸك بيۋرو تٶلەمگە ارنالعان تٸزٸمدٸ ەزٸرلەيدٸ.
«پروبلەمالىق كرەديتتەر قورى» اكتسيونەرلٸك قوعامى 9 تامىزعا دەيٸن ەكٸنشٸ دەڭگەيدەگٸ بانكتەردە جەنە ميكروقارجى ۇيىمدارىندا كەپٸلسٸز تۇتىنۋشىلىق قارىزدار بويىنشا بەرەشەكتٸ ٶتەۋ ٷشٸن كەلٸسٸم جاسايدى.
ەڭبەك جەنە ەلەۋمەتتٸك كٶمەك مينيسترلٸگٸ 15 تامىزعا دەيٸن «پروبلەمالىق كرەديتتەر قورىنا» قارجى اۋدارىپ, سوڭعىسى ول قارجىنى 1 قىركٷيەككە دەيٸن ەكٸنشٸ دەڭگەيدەگٸ بانكتەردە جەنە ميكروقارجى ۇيىمدارىنا جٸبەرەدٸ.
26 ماۋسىمدا قازاقستان پرەزيدەنتٸ قاسىم-جومارت توقاەۆ تۇرمىسى تٶمەن توپتاردىڭ كرەديتٸن ٶتەۋ تۋرالى جارلىققا قول قويعان.
1 ماۋسىمعا دەيٸنگٸ جالپى قارىزى 3 ميلليون تەڭگەدەن اسپايتىن كٶپ بالالىلاردىڭ, اسىراۋشىسىنان ايرىلعان وتباسىلار مەن مٷگەدەك بالا باعاتىنداردىڭ, اتا-اناسىز قالعان 29 جاسقا دەيٸنگٸ جاستاردىڭ 300 مىڭ تەڭگەگە دەيٸنگٸ كرەديتٸ كەشٸرٸلەدٸ. جارلىقتى ٸسكە اسىرۋ ٷشٸن توقاەۆ ٷكٸمەت پەن ۇلتتىق بانككە تاپسىرما بەردٸ.
قارجى مينيسترلٸگٸ پرەزيدەنت قاۋلىسىن جٷزەگە اسىرۋ ٷشٸن 105 ميلليارد تەڭگە قاجەت ەكەنٸ حابارلاعان.
