"كوروناۆيرۋس العاش رەت وسى قالادان تارادى" دەلٸنگەن قىتايدىڭ ۋحان قالاسىنىڭ بيلٸگٸ ۆيرۋس قايتا كٷشەيگەن سوڭ 11 ميلليوننان استام قالا تۇرعىنىن كوروناۆيرۋس تەستٸنەن ٶتكٸزگەنٸن حابارلادى.
ۋحان بيلٸگٸنٸڭ ٶكٸلٸ لي تاو 8 تامىز كٷنگٸ باسپاسٶز جيىنىندا تەست ناۋقانىنىڭ بەس كٷن بۇرىن باستالعانىن ايتتى. ونىڭ سٶزٸنە قاراعاندا, 6 جاسقا دەيٸنگٸلەردەن باسقا تۇرعىنداردىڭ بارلىعىنان پتر تەست الىنعان.
جاپپاي تەست ناۋقانى كەزٸندە 9 ادامنان كوروناۆيرۋس انىقتالعان, بارلىعى كارانتينگە جٸبەرٸلگەن.
سوڭعى مەلٸمەت بويىنشا, قالادا كوروناۆيرۋس جۇقتىرعاندار 37 ادامعا جەتكەن. ودان بٶلەك, 41 ادام كوروناۆيرۋستىڭ "سيمپتومسىز" تٷرٸنە شالدىققان. قالا بيلٸگٸنٸڭ حابارلاۋىنشا, پتر تەست تاپسىراتىن 2800 پۋنكتٸدە 28 مىڭنان استام مەديتسينا قىزمەتكەرٸ ٸستەگەن.
بۇعان دەيٸن قالادا ۆيرۋس جۇقتىرعانداردىڭ قايتا كٶبەيۋٸنە بايلانىستى قالا بيلٸگٸ تۇرعىنداردى جاپپاي تەستٸدەن ٶتكٸزەتٸنٸن حابارلاعان ەدٸ.
