"Koronavirýs alǵash ret osy qaladan tarady" delingen Qytaidyń Ýhan qalasynyń biligi virýs qaita kúsheigen soń 11 millionnan astam qala turǵynyn koronavirýs testinen ótkizgenin habarlady.
Ýhan biliginiń ókili Li Tao 8 tamyz kúngi baspasóz jiynynda test naýqanynyń bes kún buryn bastalǵanyn aitty. Onyń sózine qaraǵanda, 6 jasqa deiingilerden basqa turǵyndardyń barlyǵynan PTR test alynǵan.
Jappai test naýqany kezinde 9 adamnan koronavirýs anyqtalǵan, barlyǵy karantinge jiberilgen.
Sońǵy málimet boiynsha, qalada koronavirýs juqtyrǵandar 37 adamǵa jetken. Odan bólek, 41 adam koronavirýstyń "simptomsyz" túrine shaldyqqan. Qala biliginiń habarlaýynsha, PTR test tapsyratyn 2800 pýnktide 28 myńnan astam meditsina qyzmetkeri istegen.
Buǵan deiin qalada virýs juqtyrǵandardyń qaita kóbeiýine bailanysty qala biligi turǵyndardy jappai testiden ótkizetinin habarlaǵan edi.
