«وسكار» جٷلدەسٸن تاپسىرۋ سالتاناتىندا جٷرگٸزۋشٸ كريس روكتى ۇرىپ جٸبەرگەن ۋيلل سميت امەريكا كينەماتوگرافييالىق ٶنەر جەنە عىلىم اكادەميياسىنان شىعاتىنىن مەلٸمدەدٸ, دەپ حابارلايدى قازاقپارات CNN-گە سٸلتەمە جاساپ.
بۇل كەلەڭسٸزدٸكتەن كەيٸن اتالعان ۇيىم اكتەردٸڭ تەرتٸبٸ قارالاتىنىن جارييالاعان بولاتىن.
«سميت اكادەمييانىڭ تەرتٸپ ستاندارتتارىن بۇزدى. بٸز ونىڭ مەسەلەسٸن 18 سەۋٸرگە جوسپارلانعان ديرەكتورلار كەڭەسٸ وتىرىسىندا قارايمىز», - دەگەن ەدٸ اكادەمييا پرەزيدەنتٸ دەۆيد رۋبين.
مۇنان سوڭ اكتەر ۇيىم قۇرامىنان ٶز ەركٸمەن شىعاتىنىن جەنە باسقارما قابىلداعان كەز كەلگەن شەشٸمدٸ قابىلدايتىنىن مەلٸم ەتتٸ.
«وسكاردىڭ» 94-سالتاناتىنداعى قىلىعىم جاعا ۇستاتارلىق بولدى. كەشٸرٸلمەيتٸن جايت. كريسقا عانا ەمەس, ونىڭ وتباسىنا, مەنٸڭ كٶپتەگەن دوستارىم مەن جاقىندارىما, سالتاناتقا جينالعاندارعا – اۋقىمدى اۋديتوريياعا اۋىر تيدٸ. اكادەمييانىڭ سەنٸمٸن اقتامادىم. جەتٸستٸكتەرٸمەن كٶزگە تٷسكەن ٶزگە نومينانتتاردىڭ مەرەكەلٸك كٶڭٸل كٷيٸن بۇزدىم», - دەيدٸ ول.
ايتا كەتەيٸك, ۋيلل سميت جٷرگٸزۋشٸ تاراپىنان ەيەلٸنە قاتىستى ايتىلعان ەزٸلگە اشۋلانعان بولاتىن. الوپەتسييا اۋرۋىنا شالدىققان دجادا پينكەتت-سميت شاشى تٷسٸپ قالعاندىقتان, باسىن تاقىرلاپ تاستاۋعا مەجبٷر بولعان.
سميت كينوجۇلدىزدار, رەجيسسەرلەر مەن پروديۋسەرلەردٸڭ باسىن بٸرٸكتٸرگەن تانىمال ۇيىمنان شىعاتىن بولسا, «وسكار» سىيلىعىنا ٷمٸتكەر فيلمدەر مەن سپەكتاكلدەرگە داۋىس بەرە المايدى. الايدا ونىڭ جۇمىستارى جٷلدەگە ۇسىنىلاتىن تٸزٸمنەن شەتتەتٸلمەيدٸ.
