قازاقستاننىڭ باس پروكۋراتۋراسى مەن ٸشكٸ ٸستەر مينيسترلٸگٸنٸڭ ينتەرپول ۇلتتىق ورتالىق بيۋروسى البانييا رەسپۋبليكاسىنان بٸرنەشە مەرتە الاياقتىق جاسادى دەگەن كٷدٸككە ٸلٸنگەن قازاقستان ازاماتىن ەلگە ەكستراديتسييالادى, دەپ حابارلايدى ult.kz.
باس پروكۋراتۋرانىڭ باسپاسٶز قىزمەتٸنٸڭ مەلٸمەتٸنشە, 2022–2023 جىلدارى كٷدٸكتٸ ينتەرنەت ارقىلى جوعارى سىنىپ وقۋشىلارىنا ۇلتتىق بٸرىڭعاي تەستٸلەۋگە ساپالى دايىندايتىنىن جەنە جوعارى وقۋ ورىندارىنا كەپٸلدٸكپەن تٷسٸرەتٸنٸن ايتىپ, جالعان اقپارات تاراتقان.
ونىڭ ۋەدەسٸنە سەنگەن 32 ازامات قىزمەت اقىسىن تٶلەگەنٸمەن, ۋەدە ورىندالماعان. سونىڭ سالدارىنان جەبٸرلەنۋشٸلەرگە كەلتٸرٸلگەن جالپى ماتەريالدىق شىعىن 28 ميلليون تەڭگەدەن استى.
قىلمىس جاسالعاننان كەيٸن كٷدٸكتٸ قازاقستاننان قاشىپ كەتكەن. كەيٸن وعان حالىقارالىق ٸزدەۋ جارييالانىپ, 2025 جىلدىڭ مامىر ايىندا البانييادا ۇستالدى. قازاقستان باس پروكۋراتۋراسىنىڭ سۇراۋ سالۋى نەگٸزٸندە ول ەلگە ەكستراديتسييالاندى.
قازٸر كٷدٸكتٸ تەرگەۋ يزولياتورىنا قامالدى.
اتالعان قىلمىس بويىنشا كٸنەسٸ دەلەلدەنگەن جاعدايدا ونىڭ مٷلكٸ تەركٸلەنٸپ, 3 جىلدان 10 جىلعا دەيٸن باس بوستاندىعىنان ايىرىلۋى مٷمكٸن.
