ۇلتتىق تەستٸلەۋ ورتالىعىنىڭ ديرەكتورى رامازان ەلٸمقۇلوۆ 2018 جىلى ۇلتتىق بٸرىڭعاي تەستٸلەۋدٸڭ قالاي ٶتەتٸنٸن ايتىپ بەردٸ, دەپ حابارلايدى قازاقپارات تٸلشٸسٸ.
ورتالىق باسشىسىنىڭ ايتۋىنشا, ۇبت فورماتى ٶزگەرمەيدٸ جەنە تەست تاپسىرمالارىنىڭ بازاسى 50%-عا جاڭارتىلعان.
«بيىلعى ۇبت ٶتكەن جىلعىداي بەس پەن بويىنشا: ٷش مٸندەتتٸ جەنە ەكٸ تاڭداۋ پەنٸ بويىنشا ٶتەدٸ. مٸندەتتٸ پەندەر اراسىندا ماتەماتيكالىق ساۋاتتىلىق, وقۋ ساۋاتتىلىعى جەنە قازاقستان تاريحى پەندەرٸ بار.
تەست تاپسىرمالارىنىڭ بازاسى 50%-عا جاڭارتىلدى. 2017 جىلى بٸزدە 80 000 تەست تاپسىرمالارى بولسا, بيىل ولاردىڭ سانى 120 مىڭنان اسادى.
ونىڭ شامامەن 11%-ى فۋنكتسيونالدى ساۋاتتىلىعىن انىقتاۋعا باعىتتالسا, شامامەن 37% تەست تاپسىرمالارىنىڭ بٸر نەمەسە بٸرنەشە دۇرىس جاۋابى بار. بۇل ٶز پەنٸن تەرەڭٸرەك تٷسٸنۋگە جەنە قۇر جاتتاپ قانا قويماي, ويلانۋعا مٷمكٸندٸك بەرەدٸ», - دەدٸ رامازان ەلٸمقۇلوۆ قر بعم القاسىنىڭ كەڭەيتٸلگەن وتىرىسى اياسىندا جۋرناليستەرگە بەرگەن سۇحباتىندا.
سونداي-اق, رامازان ەلٸمقۇلوۆ جاڭا ۇبت-دا قازاقستاننىڭ تانىمال تۇلعالارى تۋرالى سۇراقتاردىڭ بولمايتىنىن اتاپ ٶتٸپ, ۇبت تاپسىرۋ جاعدايىن جاقسارتۋ بويىنشا ٶزگەرٸستەر ەنگەنٸن حابارلادى.
«بۇرىنعى ەرەجە بويىنشا مەكتەپ تٷلەگٸ بەلگٸلٸ بٸر سەبەپتەرمەن تەستٸلەۋگە قاتىسا الماسا, كەلەسٸ جىلعا قالدىرىلاتىن. 2018 جىلى بەلگٸلٸ بٸر سەبەپتەرمەن تەستٸلەۋگە قاتىسا الماعان وقۋشىنىڭ قابىلداۋ كوميسسيياسىنىڭ رۇقساتىمەن ٶز ايماعىنداعى كەلەسٸ لەكپەن تاپسىرا الۋى ٷشٸن جۇمىس ٸستەپ جاتىرمىز», - دەدٸ ر. ەلٸمقۇلوۆ.
