ەلٸمٸزدە ٶتٸپ جاتقان ۇلتتىق بٸرىڭعاي تەستٸلەۋدٸڭ العاشقى لەگٸندە 3400-دەن استام تٷلەك ەڭ تٶمەنگٸ بالدى ەڭسەرە المادى, دەپ حابارلايدى قازاقپارات تٸلشٸسٸ.
بٷگٸن ەلورداداعى ورتالىق كوممۋنيكاتسييالار قىزمەتٸندە ۇبت-نىڭ بٸرٸنشٸ كٷنٸندەگٸ نەتيجەلەر قورىتىندىلاندى.
قر بٸلٸم جەنە عىلىم مينيسترلٸگٸنٸڭ جوعارى وقۋ ورنىنان كەيٸنگٸ بٸلٸم بەرۋ دەپارتامەنتٸنٸڭ ديرەكتورى ەدٸلەت تويباەۆتىڭ ايتۋىنشا, ۇبت-نىڭ العاشقى كٷنٸندە رەسپۋبليكا بويىنشا 12 772 تٷلەك باقتارىن سىناعان.
«جالپى بٸرٸنشٸ لەكتە تەست تاپسىرۋعا 13068 تٷلەك ٶتٸنٸش بەردٸ. سونىڭ 97 پايىزى سىناققا قاتىستى. ونىڭ ٸشٸندە 11 361 تٷلەك - قازاق تٸلٸندە, 1411 تٷلەك - ورىس تٸلٸندە. ۇبت ەلٸمٸزدٸڭ 6 ٶڭٸرٸندە ٶتتٸ. اتاپ ايتقاندا, نۇر-سۇلتان قالاسى جەنە الماتى, اقتٶبە, اتىراۋ, ماڭعىستاۋ جەنە تٷركٸستان وبلىستارىندا بارلىعى 39 تەست تاپسىرۋ بەكەتٸ جۇمىس ٸستەدٸ», - دەدٸ مينيسترلٸك ٶكٸلٸ.
ەدٸلەت تويباەۆتىڭ سٶزٸنشە, بيىلعى تەستٸلەۋدٸڭ قورىتىندىسى بويىنشا مەكتەپتەر مەن ٶڭٸرلەردٸڭ ورتاشا كٶرسەتكٸشٸ ەسەپتەلمەيدٸ جەنە رەيتينگٸ قۇرىلمايدى.
«مينيستردٸڭ ٷكٸمەت وتىرىسىندا ۇبت نەتيجەلەرٸن رەيتينگتەرگە قوسپاۋ ۇسىنىلعانىن بٸلەسٸزدەر. جەرگٸلٸكتٸ ەكٸمدٸكتەر اراسىندا نەگٸزسٸز بەسەكە بولماۋ ٷشٸن وسىنداي قادامعا بارىپ وتىرمىز. ٶيتكەنٸ, ۇبت نەتيجەسٸ قانداي دا بٸر رەيتينگ تٷزۋ ٷشٸن ٶتكٸزٸلمەيدٸ. ۇبت-نىڭ شەكتٸك دەڭگەيٸنەن سٷرٸنبەي ٶتكەن تٷلەكتەر سانى - 9338. بۇل - 76,5 پايىز دەگەن سٶز. ال شەكتٸك بالدى جيناي الماعان تٷلەكتەر سانى - 3434», - دەدٸ دەپارتامەنت باسشىسى.
بعم ٶكٸلٸنٸڭ ايتۋىنشا, ۇبت ەنگٸزٸلگەن 16 جىلدىڭ ٸشٸندە 1,7 ملن تٷلەك سىناق تاپسىرعان.
«جالپى ۇبت-نىڭ بٸرٸنشٸ لەگٸ شاتاتتىق جاعدايدا, قالىپتى ٶتتٸ دەۋگە بولادى. ەزٸرگە ەڭ جوعارى كٶرسەتكٸش - 137 بالل. ەرەكشە بٸلٸم بەرۋ قاجەتتٸگٸ بار 5 وقۋشى دا باعىن سىنادى. ولارعا بارلىق تيٸستٸ جاعداي جاسالدى. ۇبت-نىڭ تەرتٸپكە ساي ٶتۋٸن 500-گە جۋىق بايقاۋشى قاداعالادى. سول سيياقتى بارلىق تەست تاپسىراتىن 339 اۋديتورييادا بەينەباقىلاۋ ورناتىلعان. كەشە تەستٸلەۋ ٶتكەن پۋنكتتەردٸڭ بارلىعىنان مينيسترلٸكتٸڭ رەسمي سايتى مەن YouTube كانالىندا تٸكەلەي كٶرسەتٸلٸم جٷردٸ. تەستٸلەۋ ٶتكەن ورىنداردىڭ بارلىعىندا ۇيالى بايلانىس بۇعاتتالدى», - دەيدٸ ەدٸلەت تويباەۆ.
مينيسترلٸك تاراتقان قوسىمشا اقپاراتقا سٷيەنسەك, تٷلەكتەر اراسىندا ەزٸرشە تەحنيكالىق ماماندىقتاردى قامتيتىن وقۋ باعدارلامالارىنا سۇرانىس جوعارى.
«ماتەماتيكا-فيزيكا باعدارلامالىق كومبيناتسيياسىن 3963 بالا, حيمييا-بيولوگييا كومبيناتسيياسىن 2683 وقۋشى تاڭداعان. بٸرٸنشٸ لەكتٸڭ تٷلەكتەرٸ اراسىندا حيمييا-فيزيكا كومبيناتسيياسىنا ەڭ از سۇرانىس تٸركەلدٸ», - دەلٸنگەن رەسمي مەلٸمەتتە.
