سەناتور سەرٸك بەكتۇرعانوۆ ازاماتتاردى تٸركەۋدٸ ۇيىمداستىرۋ جەنە ٶتكٸزۋ بويىنشا جۇمىستى سىنعا الدى, - دەپ حابارلايدى "ۇلت اقپارات" Tengrinews.kz پورتالىنا سٸلتەمە جاساپ. ول بۇل ٷندەۋٸن ٷكٸمەت باسشىسىنا جولدادى.
"حالىققا قىزمەت كٶرسەتۋ ورتالىقتارىنىڭ تٸركەۋ بويىنشا جاساندى دٷرلٸگۋٸنەن شوشىپ, كٶپتەپ كەلە باستاعان حالىقتى قابىلداۋعا دايىن بولماۋى بٶلەك تالقىلاۋدىڭ تاقىرىبى. پارلامەنتتە تالقىلاۋ كەزٸندە زاڭ جوباسىن ۇسىنعاندار دەپۋتاتتاردىڭ سۇراعىنا زاڭدى ورىنداۋعا بايلانىستى بارلىق مەسەلەنٸ شەشۋگە دايىندىقتىڭ بارىن ايتىپ, جاۋاپ بەردٸ. ولار بارلىق دەڭگەيدە قاۋٸپ-قاتەرلەردٸڭ الدىن العانىن اۋىزشا ايتۋمەن بولدى. الايدا وسى كٷنگە دەيٸن ازاماتتاردىڭ ۋاقىتشا تٸركەۋٸ مەسەلەسٸندە شالالىقتاردى مويىنداۋدان باسقا تەرتٸپتٸ ورناتۋ بويىنشا ناقتى شارالار قابىلدانبادى", - دەپ مەلٸمدەدٸ سەناتور.
ونىڭ ايتۋىنشا, بار پروبلەمالارعا جاڭالارى قوسىلعان. وسىعان بايلانىستى سەنات دەپۋتاتى ٷكٸمەتكە بٸرقاتار ەسكەرتۋٸن جولدادى:
"زاڭدى ورىنداۋعا جۇمىلۋى تيٸس بولعان مەملەكەتتٸك ورگان ٶكٸلدەرٸن وقىتۋ نەلٸكتەن ٶز ۋاقىتىندا جٷزەگە اسىرىلمادى. (...) تٸركەلمەگەن جەرٸندە تۇرىپ جاتقان ازاماتتاردى تٸركەۋ مەسەلەسٸن تٷبەگەيلٸ تەرتٸپكە كەلتٸرۋ ٷشٸن, بۇدان سوڭ ازاماتتاردىڭ قاۋٸپسٸزدٸگٸ مەن تىنىشتىعىن قامتاماسىز ەتۋ ٷشٸن نەندەي شارالار جٷرگٸزٸلمەك? ازاماتتاردىڭ ۋاقىتشا تٸركەۋگە قاتىستى قۇقىقتارى مەن مٸندەتتەرٸ تۋرالى قولجەتٸمدٸ ەرٸ تٷسٸنٸكتٸ مەلٸمەت قاشان پايدا بولادى? بۇعان ٷنقاعازدار, پوستەرلەر جەنە ينفوگرافيكالار دا كٸرەدٸ. نەگە "ازاماتتارعا ارنالعان ٷكٸمەت" ونلاين-تٸركەۋدٸ ٶتكٸزۋگە دايىن بولمادى?", - دەيدٸ دەپۋتات.
"ٷكٸمەت ەلەۋمەتتٸك جەلٸلەردە پايدا بولىپ جاتقان جالعان اقپاراتتارعا جازالاۋ-تىيىم سالۋ شارالارىن قولدانباي, وسى زامانعا لايىقتالعان, مٷددەلٸ ورگانداردىڭ جەدەل ەرٸ كەسٸبي ەدٸستەرٸمەن, مٷمكٸن بولىپ وتىرعان اقپاراتتىق ۆاكۋۋمنىڭ الدىن الىپ, ساۋاتتى اقپاراتتىق ساياساتتى قالاي جٷرگٸزبەكشٸ?", - دەيدٸ سەناتور.
سونىمەن قاتار, ول ٶز ٷيٸندە ازاماتتاردى كوممۋنالدىق قىزمەتتەر تٶلەمٸمەن ۋاقىتشا تٸركەگەن پەتەر يەلەرٸنٸڭ پروبلەمالارعا ۇرىنىپ قالمايتىنىنا جازباشا تٷردە تٷسٸنٸك تالاپ ەتتٸ.
"ۋاقىتشا مەكەندەۋ ورنى بويىنشا تٸركەلگەندەر مەن باسپانا يەلەرٸ پەتەردە تۇرىپ جاتقانداردىڭ سانىنا قاراي ەسەپتەلگەن كوممۋنالدىق شىعىندى تٶلەۋ مەسەلەسٸن قالاي شەشەدٸ? كوممۋنالدىق قىزمەتتەردٸ ۇسىناتىن ارنايى قىزمەتتەردٸڭ جۇمىس ساپاسىن بٸلە وتىرىپ, ولاردىڭ ازاماتتاردىڭ ۋاقىتشا تٸركەۋٸنەن قوسىمشا بونۋستار العىسى كەلۋٸ مٷمكٸن ەكەنٸن ويلاۋىمىزعا قۇقىمىز بار", - دەپ قورىتىندىلادى بەكتۇرعانوۆ ٶز سٶزٸن.
