ەلٸمٸزدە ۋاقىتشا اشىلعان 103 ينفەكتسييالىق نىسان جابىلدى. بۇل جايىندا بٷگٸن ٷكٸمەت وتىرىسىندا قر دەنساۋلىق ساقتاۋ مينيسترٸ الەكسەي تسوي ايتتى, دەپ حابارلايدى قازاقپارات.
«1 تامىزدان باستاپ قازاقستاندا ينفەكتسييالىق تٶسەك-ورىن جٷكتەمەسٸنٸڭ 56-دان 37 پايىزعا, رەانيماتسييالىق تٶسەك-ورىن جٷكتەمەسٸ 45-تەن 30 پايىزعا تٶمەندەگەنٸ بايقالادى. رەزەرۆتە 30 مىڭنان استام تٶسەك-ورىن بار. ەپيدەميولوگييالىق احۋالدىڭ تۇراقتانۋىنا بايلانىستى ۋاقىتشا ينفەكتسييالىق نىسانداردى جابۋ جۇمىسى جالعاسىپ جاتىر. وسى جىلدىڭ 25 تامىزى مەن 18 قازانى ارالىعىندا بارلىق ٶڭٸردە 103 نىسان جابىلدى», - دەدٸ ول.
الەكسەي تسويدىڭ دەرەگٸنشە, ەلٸمٸزدە كوروناۆيرۋسقا قارسى ۆاكتسينانىڭ 1-كومپونەنتٸمەن شامامەن 8,2 ملن ادام, ەكٸنشٸ كومپونەنتٸمەن 7,3 ملن-نان استام ادام ەگٸلدٸ.
«حالىقتى كوروناۆيرۋس ينفەكتسيياسىنا قارسى ۆاكتسينالاۋ جالعاسىپ جاتىر», - دەدٸ دەنساۋلىق ساقتاۋ مينيسترٸ.
