Elimizde ýaqytsha ashylǵan 103 infektsiialyq nysan jabyldy. Bul jaiynda búgin Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy QazAqparat.
«1 tamyzdan bastap Qazaqstanda infektsiialyq tósek-oryn júktemesiniń 56-dan 37 paiyzǵa, reanimatsiialyq tósek-oryn júktemesi 45-ten 30 paiyzǵa tómendegeni baiqalady. Rezervte 30 myńnan astam tósek-oryn bar. Epidemiologiialyq ahýaldyń turaqtanýyna bailanysty ýaqytsha infektsiialyq nysandardy jabý jumysy jalǵasyp jatyr. Osy jyldyń 25 tamyzy men 18 qazany aralyǵynda barlyq óńirde 103 nysan jabyldy», - dedi ol.
Aleksei Tsoidyń dereginshe, elimizde koronavirýsqa qarsy vaktsinanyń 1-komponentimen shamamen 8,2 mln adam, ekinshi komponentimen 7,3 mln-nan astam adam egildi.
«Halyqty koronavirýs infektsiiasyna qarsy vaktsinalaý jalǵasyp jatyr», - dedi Densaýlyq saqtaý ministri.
