قر تٶتەنشە جاعدايلار مينيسترٸ يۋريي يلين جامبىل وبلىسىنداعى جارىلىس سالدارىنان قازا تاپقاندارعا نەگە ەر تٷرلٸ ماراپات بەرٸلگەنٸن تٷسٸندٸردٸ, دەپ حابارلايدى قازاقپارات.
مەملەكەت باسشىسى جامبىل وبلىسى تٶتەنشە جاعدايلار دەپارتامەنتٸ ٶرت سٶندٸرۋ جەنە اۆارييالىق – قۇتقارۋ جۇمىستارى قىزمەتٸ باستىعىنىڭ ورىنباسارى مەيٸرجان ايمانوۆقا «حالىق قاھارمانى» اتاعىن بەرۋ تۋرالى جارلىققا قول قويعان ەدٸ. سونداي-اق, ٶرت سٶندٸرۋ كەزٸندە قازا بولعان قۇتقارۋشىلار I جەنە III دەرەجەلٸ ايبىن وردەنٸنە ۇسىنىلعان.
«بٸرٸنشٸدەن, مەن جامبىل وبلىسىندا بولعان قايعىلى وقيعادا قازا تاپقان ازاماتتاردىڭ بارشا تۋعان-تۋىسقاندارىنا كٶڭٸل ايتامىن. سوڭعى دەرەك بويىنشا, 13 ادام قايتىس بولدى. ٶكٸنٸشكە قاراي, ٷش ادامنىڭ دەرەگٸ تابىلماي وتىر. جارىلىستاردىڭ ەپيتسەنترٸندە سول ٷشەۋٸن ٸزدەۋ جۇمىستارى جالعاسۋدا. سوندىقتان, قازٸر مەملەكەت باسشىسىنىڭ جارلىعىمەن تٶتەنشە جاعدايلار مينيسترلٸگٸنٸڭ, قورعانىس مينيسترلٸگٸنٸڭ بٸرقاتار قىزمەتكەرلەرٸ عانا ماراپاتتالدى. قالعان قىزمەتكەرلەردٸ دنق ساراپتاماسى بويىنشا انىقتاپ, دەنەلەرٸ تابىلعاننان كەيٸن قوسىمشا مەملەكەتتٸك ناگرادالارمەن ماراپاتتاۋعا ۇسىنامىز», - دەدٸ يۋريي يلين.
سونداي-اق, مينيستر قر پرەزيدەنتٸنە قىزمەتكەرلەردٸڭ ەرلٸگٸن جوعارى باعالاعانى ٷشٸن العىس بٸلدٸردٸ.
«ٶرت سٶندٸرۋ قىزمەتٸ باستىعىنىڭ ورىنباسارى «حالىق قاھارمانى» اتاعىن الدى. ول العاشقى جارىلىس بولعان كەزدە ٶرت سٶندٸرۋدٸ, ەۆاكۋاتسييالىق جۇمىستاردى ۇيىمداستىرۋدى باسقاردى. وقيعا ورنىندا بولعان قۇتقارىلعان قىزمەتكەرلەردٸ قوسا العاندا, ول بٸرنەشە ادامدى قاۋٸپتٸ جەردەن الىپ شىقتى. سودان كەيٸن ەكٸنشٸ كٷشتٸ جارىلىس بولدى, ول سول جارىلىستىڭ سالدارىنان قايتىس بولدى», - دەدٸ يۋريي يلين.
ۆەدومستۆو باسشىسى تەرتٸپ بويىنشا بٸرٸنشٸ دەرەجەلٸ «ايبىن» وردەنٸمەن قايتىس بولعان وفيتسەرلەر قۇرامى, ال ٷشٸنشٸ دەرەجەلٸ «ايبىن» وردەنٸمەن قاتارداعى قۇرام ساربازدارى ماراپاتتالاتىنىن تٷسٸندٸردٸ.
