فوتو: قر تجم
تٶتەنشە جاعدايلار مينيسترٸ سىرىم شەرٸپحانوۆ قازاقستاندىقتاردى ٷرەيلەنبەۋگە شاقىردى, - دەپ حابارلايدى Tengrinews.kz سايتى.
مينيستر 23 قاڭتاردا تٷنگٸ ساعات 00.09-دە ەپيتسەنترٸ الماتى قالاسىنان وڭتٷستٸك-شىعىسقا قاراي 264 شاقىرىم جەردە قىرعىزستان جەنە قىتاي شەكاراسىندا جەر سٸلكٸنٸسٸ تٸركەلگەنٸن اتاپ ٶتتٸ.
"ساعات 07.00-دەگٸ جەدەل جاعداي بويىنشا 3 سەيسميكالىق وقيعا تٸركەلدٸ (00.09 ساعات, 00.42 جەنە 01.36 ساعات). ولار الماتى قالاسىندا – 5, شىمكەنت قالاسىندا – 2, جامبىل وبلىسىندا - 2-3 جەنە جەتٸسۋ وبلىسىندا - 4 بالل بولىپ سەزٸلدٸ. الدىن الا مەلٸمەتتەر بويىنشا عيماراتتار مەن قۇرىلىستار بۇزىلماعان", - دەدٸ سىرىم شەرٸپحانوۆ.
ونىڭ ايتۋىنشا, تٶتەنشە جاعدايلار مينيسترلٸگٸندە رەسپۋبليكالىق جەدەل شتاب اشىلعان.
"وسىنداي شتابتار اۋماقتاردا جۇمىس ٸستەپ جاتىر. تٶتەنشە جاعدايلار مينيسترلٸگٸنٸڭ پسيحولوگتارىمەن جەدەل جەلٸ تەلەفوندارى ۇيىمداستىرىلدى. سەيسميكالىق بولجاۋ كوميسسيياسىنىڭ ٶتكٸزٸلگەن وتىرىسىنا سەيكەس الماتى قالاسىنىڭ اۋماعىندا قاتتى جەنە جويقىن جەر سٸلكٸنٸسٸ بولمايدى. وسىعان بايلانىستى ٶڭٸرلەردٸڭ تۇرعىندارىنان دٷربەلەڭگە تٷسپەۋٸن جەنە تەك رەسمي دەرەككٶزگە سەنۋٸن سۇرايمىن", - دەدٸ مينيستر.
شەرٸپحانوۆتىڭ ايتۋىنشا, جاقىن ماڭداعى پۋنكتتەر تۋرالى مەلٸمەتتەر 2گيس پلاتفورماسىندا جەنە كٶپقاباتتى ٷيلەردٸڭ كٸرەبەرٸستەرٸندە اقپاراتتىق QR بەلگٸلەرٸ ورنالاستىرىلعان.
"سەيسميكالىق بولجاۋ كوميسسيياسىنىڭ وتىرىسىنا سەيكەس, الماتى اۋماعىندا قاتتى جەنە جويقىن جەر سٸلكٸنٸسٸ كٷتٸلمەيدٸ. قازٸرگٸ ۋاقىتتا ٶڭٸرلەردە عيماراتتار مەن قۇرىلىستاردىڭ, ونىڭ ٸشٸندە قورعانىش گيدروتەحنيكالىق نىسانداردىڭ ىقتيمال قيراۋىنا كوميسسييالىق تەكسەرۋ جٷرگٸزٸلٸپ جاتىر", - دەپ تٷسٸندٸردٸ ول.
مينيستر قازاقستان حالقىنا ٷندەۋ جاسادى.
"ٶڭٸرلەردٸڭ تۇرعىندارىنان دٷربەلەڭگە تٷسپەۋٸن جەنە تەك رەسمي دەرەككٶزدەرگە سەنۋٸن سۇرايمىن. تج دەپارتامەنتتەرٸ ازاماتتاردىڭ بارلىق حابارلامالارىن تٸركەيدٸ جەنە دەرەۋ شىعادى. سونىمەن قاتار, حالىق اراسىندا جەر سٸلكٸنٸسٸ كەزٸندەگٸ ٸس-ەرەكەتتەر بويىنشا كەڭ ٷگٸت-تٷسٸندٸرۋ جۇمىستارى جٷرگٸزٸلٸپ جاتىر. قاۋٸپ جوق ٶڭٸرلەردٸڭ كٷشتەرٸ مەن قۇرالدارى دا ىقتيمال تٶتەنشە جاعداي ايماعىنا جۇمىلدىرۋعا دايىن", - دەپ قورىتىندىلادى شەرٸپحانوۆ.
