Foto: QR TJM
Tótenshe jaǵdailar ministri Syrym Sháriphanov qazaqstandyqtardy úreilenbeýge shaqyrdy, - dep habarlaidy Tengrinews.kz saity.
Ministr 23 qańtarda túngi saǵat 00.09-de epitsentri Almaty qalasynan ońtústik-shyǵysqa qarai 264 shaqyrym jerde Qyrǵyzstan jáne Qytai shekarasynda jer silkinisi tirkelgenin atap ótti.
"Saǵat 07.00-degi jedel jaǵdai boiynsha 3 seismikalyq oqiǵa tirkeldi (00.09 saǵat, 00.42 jáne 01.36 saǵat). Olar Almaty qalasynda – 5, Shymkent qalasynda – 2, Jambyl oblysynda - 2-3 jáne Jetisý oblysynda - 4 ball bolyp sezildi. Aldyn ala málimetter boiynsha ǵimarattar men qurylystar buzylmaǵan", - dedi Syrym Sháriphanov.
Onyń aitýynsha, Tótenshe jaǵdailar ministrliginde respýblikalyq jedel shtab ashylǵan.
"Osyndai shtabtar aýmaqtarda jumys istep jatyr. Tótenshe jaǵdailar ministrliginiń psihologtarymen jedel jeli telefondary uiymdastyryldy. Seismikalyq boljaý komissiiasynyń ótkizilgen otyrysyna sáikes Almaty qalasynyń aýmaǵynda qatty jáne joiqyn jer silkinisi bolmaidy. Osyǵan bailanysty óńirlerdiń turǵyndarynan dúrbeleńge túspeýin jáne tek resmi derekkózge senýin suraimyn", - dedi ministr.
Sháriphanovtyń aitýynsha, jaqyn mańdaǵy pýnktter týraly málimetter 2GIS platformasynda jáne kópqabatty úilerdiń kireberisterinde aqparattyq QR belgileri ornalastyrylǵan.
"Seismikalyq boljaý komissiiasynyń otyrysyna sáikes, Almaty aýmaǵynda qatty jáne joiqyn jer silkinisi kútilmeidi. Qazirgi ýaqytta óńirlerde ǵimarattar men qurylystardyń, onyń ishinde qorǵanysh gidrotehnikalyq nysandardyń yqtimal qiraýyna komissiialyq tekserý júrgizilip jatyr", - dep túsindirdi ol.
Ministr Qazaqstan halqyna úndeý jasady.
"Óńirlerdiń turǵyndarynan dúrbeleńge túspeýin jáne tek resmi derekkózderge senýin suraimyn. TJ departamentteri azamattardyń barlyq habarlamalaryn tirkeidi jáne dereý shyǵady. Sonymen qatar, halyq arasynda jer silkinisi kezindegi is-áreketter boiynsha keń úgit-túsindirý jumystary júrgizilip jatyr. Qaýip joq óńirlerdiń kúshteri men quraldary da yqtimal tótenshe jaǵdai aimaǵyna jumyldyrýǵa daiyn", - dep qorytyndylady Sháriphanov.
