فوتو: Akorda.kz
تٶتەنشە جاعدايلار مينيسترٸ سىرىم شەرٸپحانوۆ قاراماعىنداعى قىزمەتكەرلەردەن ٶزٸ ٷشٸن اقشا جينالدى دەگەن اقپاراتتى جوققا شىعاردى, دەپ حابارلايدى Sputnik قازاقستان.
"مەنٸڭ ۇستانىمىم – ادال ٶمٸر سٷرٸپ, ەڭبەكتەنۋ. ول اقپاراتتا ايتىلعان فاكتٸلەر مٷلدە قابىلداۋعا كەلمەيدٸ. بٸز - اشىقپىز, مۇنى مەن وسى قىزمەتكە كٸرٸسكەن سەتتەن باستاپ ايتقانمىن. سىبايلاس جەمقورلىققا قارسى قىزمەتپەن ەتەنە جۇمىس ٸستەيمٸز. سول سەبەپتٸ بٸز وسى فاكتٸ بويىنشا دا تەكسەرٸس جٷرگٸزەمٸز. ەگەر فاكتٸلەر انىقتالىپ جاتسا, ادامدار جازالانادى. ەگەر جالا ەكەنٸ انىقتالسا, بەكٸتٸلگەن تەرتٸپپەن سوتقا شاعىمدانامىز", - دەدٸ شەرٸپحانوۆ ٷكٸمەتتە ٶتكەن بريفينگتە.
ول جەكە قۇرامنان تاعى دا جاۋاپ الىناتىنىن اتاپ ٶتتٸ. سونداي-اق WhatsApp مەسسەندجەرٸندە نٶمٸرٸ بار ەكەنٸن, وعان تٷسكەن ارىز-شاعىمدار دەرەۋ تەكسەرٸلەتٸنٸن ايتتى.
ايتا كەتەيٸك, تٶتەنشە جاعدايلار مينيسترلٸگٸنٸڭ بۇرىنعى قىزمەتكەرٸ زۋيالحان گاسانوۆ تٷركٸستان وبلىسىنىڭ قۇتقارۋشىلارىنان لاۋازىمىنا قاراي 20 مىڭنان 50 مىڭ تەڭگەگە دەيٸن اقشا جينالعانىن مەلٸمدەگەن ەدٸ.
