Foto: Akorda.kz
Tótenshe jaǵdailar ministri Syrym Sháriphanov qaramaǵyndaǵy qyzmetkerlerden ózi úshin aqsha jinaldy degen aqparatty joqqa shyǵardy, dep habarlaidy Sputnik Qazaqstan.
"Meniń ustanymym – adal ómir súrip, eńbektený. Ol aqparatta aitylǵan faktiler múlde qabyldaýǵa kelmeidi. Biz - ashyqpyz, muny men osy qyzmetke kirisken sátten bastap aitqanmyn. Sybailas jemqorlyqqa qarsy qyzmetpen etene jumys isteimiz. Sol sebepti biz osy fakti boiynsha da tekseris júrgizemiz. Eger faktiler anyqtalyp jatsa, adamdar jazalanady. Eger jala ekeni anyqtalsa, bekitilgen tártippen sotqa shaǵymdanamyz", - dedi Sháriphanov Úkimette ótken brifingte.
Ol jeke quramnan taǵy da jaýap alynatynyn atap ótti. Sondai-aq WhatsApp messendjerinde nómiri bar ekenin, oǵan túsken aryz-shaǵymdar dereý tekseriletinin aitty.
Aita keteiik, Tótenshe jaǵdailar ministrliginiń burynǵy qyzmetkeri Zýialhan Gasanov Túrkistan oblysynyń qutqarýshylarynan laýazymyna qarai 20 myńnan 50 myń teńgege deiin aqsha jinalǵanyn málimdegen edi.
