فوتو: سەنات باسپاسٶز قىزمەتٸ
مەدەنيەت جەنە اقپارات مينيسترٸ ايدا بالاەۆا رەسەيلٸك «سلوۆا پاتسانا» سەريالىنا قاتىستى پٸكٸر بٸلدٸردٸ, دەپ حابارلايدى Kazinform اگەنتتٸگٸ.
«بۇل فيلم ٶتە قىزۋ تالقىلاندى. الۋان تٷرلٸ پٸكٸر بار. بٸرەۋلەرٸ فيلم زورلىق-زومبىلىقتى ناسيحاتتايدى دەسە, ەندٸ بٸرەۋلەر ادامداردىڭ پسيحيكاسىنا تەرٸس ەسەر ەتەتٸندٸگٸن ايتادى. فيلمدٸ كٶرگەن جوقپىن, سوندىقتان مازمۇنى جايلى ايتا المايمىن. ەرينە, ٸٸم-گە جٸبەردٸك. دەگەنمەن, بٷگٸندە بٸز ەشقانداي زاڭ بۇزۋشىلىق بولعان جوق دەپ ايقىندادىق», - دەدٸ مينيستر ورتالىق كوممۋنيكاتسييالار قىزمەتٸندەگٸ بريفينگتە باق ٶكٸلدەرٸنٸڭ ساۋالىنا وراي.
ونىڭ اتاپ ٶتۋٸنشە, تۋىندى قازاقستاندىق شىندىقتى پاش ەتپەيدٸ.
«سەريالدىڭ بٸزدٸڭ جاستارىمىزبەن ورتاق ەشتەڭەسٸ جوق. جاستارىمىزدا لۋدومانييامەن, ەسٸرتكٸگە تەۋەلدٸلٸكپەن, مەدەنيەتسٸزدٸكپەن بايلانىستى پروبلەما بار. سوندىقتان مەملەكەت باسشىسى ەر سٶز سٶيلەۋٸندە قازاقستان ازاماتتارى مەن جاستارىمىز ٶزٸنٸڭ دەستٷرٸن ساقتاۋى, ەڭبەك ەتۋٸ, ٶزٸن دامىتۋعا تىرىسۋى تيٸس ەكەندٸگٸن ايتىپ كەلەدٸ. مەنٸڭشە, تىيىم سالۋ ارقىلى ەشتەڭەنٸ شەشە المايمىز. ٶيتكەنٸ, فيلمگە تىيىم سالۋ تۋرالى ۇسىنىس بەرٸلگەننٸڭ ٶزٸندە اقپاراتتىق تەحنولوگييالار زامانىندا ونى جاساۋ مٷمكٸن ەمەس», - دەدٸ ايدا بالاەۆا.
