تىڭ ٸسكە تارازدىڭ دا تالاسى بار

جامبىل وبلىسىندا بارلىعى 3 336 تاريحي-مەدەني ەسكەرتكٸش بار. ونىڭ 28-ٸ رەسپۋبليكالىق مەندەگٸ ەسكەرتكٸشتەر. 5 تاريحي نىسان يۋنەسكو-نىڭ دٷنيەجٷزٸلٸك مەدەني مۇرا تٸزٸمٸنە ەنگٸزٸلگەن, ولار – اقتٶبە, قۇلان, ٶرنەك, قوستٶبە جەنە اقىرتاس قالاشىقتارى. ۇلى جٸبەك جولىنىڭ اۋقىمدى بٶلٸگٸ جامبىل وبلىسىنىڭ اۋماعى ارقىلى ٶتەدٸ. مۇندا تاريحي-مەدەني ەسكەرتكٸشتەر دە كٶپتەپ ورنالاسقان.

الايدا, بٷگٸنگٸ تاڭدا ەۋليەاتا جەرٸ تۋريزم مەسەلەسٸندە تابىستى ٶڭٸرگە اينالماي وتىر. راس, وتاندىق ەكونوميكاداعى قولايلى جاعداي, مەم­لە­كەت­تٸك قولداۋ كەسٸپكەرلەردٸ قولايلى قوناقٷيلەر سالۋعا ىنتالاندىرۋدا. مىسالى, جامبىل وبلىسىندا 2013 جىل­مەن سالىستىرعاندا 2016 جىلى قوناقٷيلەر سانى 82 پايىزعا ارتقان. ەيتسە دە, قوناقٷيلەردەگٸ ورىنداردىڭ تولىمدىلىعى نەبەرٸ 12,4 پايىزدى قۇراپ وتىر. بۇل 2013 جىلمەن سالىستىرعاندا 2,5 ەسەگە از.

– مۇنىڭ باستى سەبەبٸ – وبلىس ورتالىعىندا شەت ەلدەن كەلەتٸن تۋريستەرگە قىزمەت كٶرسەتەتٸن جوعارعى كلاستاعى قوناقٷيلەردٸڭ جوقتىعى, – دەيدٸ وبلىستىق كەسٸپكەرلەر پالاتاسىنىڭ ديرەكتورى قارلىعاش ارالبەكوۆا. – ال قولدا بار قوناقٷي بازاسى 50-60 پايىزعا ەسكٸرگەن. جىل باسىنان بەرٸ وبلىستىق كەسٸپكەرلەر پالاتاسى مەن وبلىس ەكٸمدٸگٸ تۋريزمدٸ دامىتۋ باعىتىندا بٸرقاتار نەتيجەلٸ جۇمىستار اتقاردى. تۋريزم كلاستەرٸن دامىتۋ جەنە «جٸبەك جولى» جوباسىن جٷزەگە اسىرۋ جٶنٸندەگٸ جۇمىس­شى توبى قۇرىلدى. ٶتكەن ناۋرىز-سەۋٸر اي­لار­ىندا توپ وبلىسىمىزداعى تۋريستٸك نىساندار­دى ارالاپ, ينۆەنتاريزاتسييالاۋ جۇمىستارىن جٷر­گٸز­دٸ. سونىمەن قاتار, ايماقتا تۋريزمدٸ دامىتۋ ماق­ساتىندا وبلىستىڭ ۆيزيتتٸك كارتاسى جاسالىپ, وڭتٷس­تٸك قازاقستان جەنە الماتى وبلىستارىنىڭ, قىرعىزستان مەن رەسەيدٸڭ تۋريستٸك فيرمالارىنا جولداندى. وسىنىڭ نەتيجەسٸندە جەرگٸلٸكتٸ مەسليحات 2016 جىلى تۋريزمدٸ دامىتۋعا 41 ميلليون بيۋدجەت قاراجاتىن بٶلۋگە شەشٸم شىعاردى. بٶلٸنگەن قاراجات تۋريستٸك سايت جاساۋعا, جارنامالىق ٶنٸمدەر شىعارۋعا جەنە تۋريستٸك-اقپاراتتىق ورتالىق قۇرۋعا جۇمسالاتىن بولادى.

ەندٸ ٶڭٸردەگٸ تۋريزم سالاسىن ەلەمدٸك تەجٸريبە نەگٸزٸندە دامىتۋ ٷشٸن قالانىڭ كٶرٸكتٸ جەرلەرٸن تاماشالاپ تانىسۋ ٷشٸن ەكٸ قاباتتى برەندتٸ اۆتوبۋستار جٷرگٸزۋ, وبلىستىڭ تۋريستٸك مارشرۋتىنا كٸرەتٸن نىسانداردىڭ ينفراقۇرىلىمىن قالپىنا كەلتٸرۋ, وقيعالىق تۋريزمدٸ دامىتۋ اياسىندا جىل سايىن قازاق حاندىعى فەستيۆالٸن ٶتكٸزۋ, شەبەرلەر مەن قولٶنەرشٸلەر قالاسىن جاساۋ جەنە تاعى دا باسقا جۇمىستار قولعا الىنۋدا.

كەلەسٸ جىلى ەكسپو-2017 حالىقارالىق كٶرمەسٸن ۇيىمداستىرۋ قازاقستاننىڭ جارقىن جوبالارىنىڭ بٸرٸ ەكەنٸ انىق. بۇل حالىقارالىق كٶرمەنٸڭ دايىندىق جۇمىستارىنا وبلىستان ەرٸپتەستٸك تۋرالى مەموراندۋمعا قول قويعان 4 تۋريستٸك كومپانييا قاتىسۋدا. بۇل ٶڭٸر ەكسپو قوناقتارىن قابىلدايتىن وبلىس رەتٸندە قىزۋ دايىندىق ٷستٸندە. بۇل كومپانييالار قالامىزعا كەلەتٸن قوناقتار ٷشٸن تۋريستٸك مارشرۋتتار ەزٸرلەدٸ. تاعى بٸر ايتارى, ەكسكۋرسييالىق مارشرۋتتار قاتارىنا قالانىڭ كٶرٸكتٸ جەرلەرٸمەن قاتار ٸسكەرلٸك تۋريزمدٸ دامىتۋ ماقساتىندا ٸرٸ كەسٸپورىندار دا ەنگٸزٸلگەن. سونىمەن قاتار, كەلگەن تۋريستەرگە اعىلشىن, قىتاي جەنە تٷرٸك تٸلدەرٸندە قىزمەت كٶرسەتەتٸن گيد دايارلاۋ ٸسٸ دە قولعا الىنىپ, 35-40 ادام ارنايى وقىتۋ كۋرستارىنان ٶتەتٸن بولادى.

بٷگٸندە جامبىل وبلىسى اۋماعىندا 3 قورىق مەملەكەت قامقورلىعىنا الىنعان. وبلىستىڭ فلوراسى مەن فاۋناسى ەرالۋان. مۇندا ٶسٸمدٸكتٸڭ 3 مىڭنان استام تٷرٸ ٶسەدٸ. ال اڭشىلىق جەردٸڭ جالپى اۋماعى 13,9 مىڭ گەكتاردى قۇرايدى. وندا جانۋارلاردىڭ 40 مىڭنان استام تٷرٸ مەكەن ەتەدٸ. سونداي-اق, بالىق شارۋاشىلىعى قورى 27,8 مىڭ گەكتاردى قۇرايدى. 74 سۋ ايدىنى بار.

قالاي ايتساق تا, بۇل ٶڭٸردە تۋريزم سالاسى ٷلكەن ەلەۋەتكە يە. ياعني, كەسٸپكەرلٸكتٸ دامىتۋداعى باسىم باعىتتاردىڭ بٸرٸ رەتٸندە تۋريزمگە ەلٸ دە تىڭ كٶزقاراس پەن ناقتى تٸرلٸك قاجەت.

ورالحان دەۋٸت,

«ەگەمەن قازاقستان»

جامبىل وبلىسى