قازاقستاننىڭ حالىق ەرتٸسٸ, بەلگٸلٸ كومپوزيتور ەرٸ پروفەسسور بەكٸر باياحۋنوۆ دٷنيەدەن ٶتتٸ, دەپ حابارلايدى ult.kz.

ٶمٸرٸن مۋزىكا ٶنەرٸنە ارناعان كومپوزيتور وتاندىق كەسٸبي مۋزىكانىڭ دامۋىنا زور ٷلەس قوستى. ونىڭ تۋىندىلارىندا قازاق حالقىنىڭ دەستٷرلٸ ەۋەندەرٸ, شىعىس مۋزىكاسىنىڭ ەرەكشەلٸكتەرٸ مەن ەۋروپالىق كلاسسيكالىق ٶنەردٸڭ ەلەمەنتتەرٸ ٶزارا ٷيلەسٸم تاپقان.

بەكٸر باياحۋنوۆ شىعارماشىلىق قىزمەتٸمەن قاتار ۇستازدىق جولدا دا جەمٸستٸ ەڭبەك ەتتٸ. ول 40 جىلدان استام ۋاقىت قۇرمانعازى اتىنداعى قازاق ۇلتتىق كونسەرۆاتوريياسىندا دەرٸس وقىپ, كٶپتەگەن تالانتتى مۋزىكانتتىڭ كەسٸبي قالىپتاسۋىنا ىقپال ەتتٸ.

مەدەنيەت جەنە اقپارات مينيسترلٸگٸ كٶرنەكتٸ ٶنەر قايراتكەرٸنٸڭ ٶمٸردەن ٶتۋٸنە بايلانىستى ونىڭ وتباسى مەن جاقىندارىنا كٶڭٸل ايتتى.

“بەكٸر باياحۋنوۆ شەكٸرتتەرٸنە بٸلٸم بەرٸپ قانا قويماي, ٶنەردٸڭ شىنايى قۇندىلىعىن تٷسٸندٸرٸپ, ولاردىڭ شىعارماشىلىق جولىنا باعىت-باعدار كٶرسەتتٸ. ونىڭ باي شىعارماشىلىق مۇراسى, ۇستازدىق ٶنەگەسٸ مەن جارقىن بەينەسٸ حالىق جادىندا مەڭگٸ ساقتالادى”, – دەلٸنگەن ۆەدومستۆونىڭ كٶڭٸل ايتۋ حابارلاماسىندا.

ايتا كەتەيٸك, جۇلدىز ٶمٸرعالي ايقىنمەن قارىم-قاتىناسى قالاي باستالعانىن ايتتى. 

بەكٸر باياحۋنوۆ كٸم?

بەكٸر ياحيياۇلى باياحۋنوۆ – قازاقستاندىق كٶرنەكتٸ كومپوزيتور, پروفەسسور, قازاقستاننىڭ حالىق ەرتٸسٸ جەنە ٶنەر قايراتكەرٸ. ول 1933 جىلى 15 قىركٷيەكتە الماتى قالاسىندا دٷنيەگە كەلگەن. ورتالىق ازيياداعى دٷنگەن حالقىنىڭ تۇڭعىش كەسٸبي كومپوزيتورى رەتٸندە تانىلعان.

1960 جىلى قۇرمانعازى اتىنداعى الماتى مەملەكەتتٸك كونسەرۆاتوريياسىن كومپوزيتور قۇددىس قوجاميياروۆتىڭ سىنىبى بويىنشا تەمامداعان. كەيٸن 1960–1963 جىلدارى مەسكەۋ كونسەرۆاتوريياسىندا بٸلٸمٸن جەتٸلدٸرگەن. 1963 جىلدان باستاپ الماتى كونسەرۆاتوريياسىندا ساباق بەرٸپ, 1991 جىلى پروفەسسور عىلىمي اتاعىن العان.

كومپوزيتور شىعارماشىلىعىندا قازاقتىڭ دەستٷرلٸ مۋزىكاسىن, دٷنگەن حالقىنىڭ ەۋەندەرٸن جەنە ەۋروپالىق كلاسسيكالىق مۋزىكانى ۇشتاستىرعان. ونىڭ بەلگٸلٸ تۋىندىلارىنىڭ قاتارىندا “كٷي” سيمفونيياسى, “قامبار باتىر”, “ىسقىرما”, “شىعىس اۋراسى” جەنە “قورقىت” سيمفونييالارى بار. سونداي-اق بٸرنەشە فيلمگە مۋزىكا جازىپ, عىلىمي ماقالالار مەن مۋزىكالىق زەرتتەۋلەر جارييالاعان.

بەكٸر باياحۋنوۆ 1983 جىلى قازاق كسر-ٸنٸڭ ەڭبەك سٸڭٸرگەن ٶنەر قايراتكەرٸ, ال 1990 جىلى حالىق ەرتٸسٸ اتاعىن يەلەندٸ. ول قازاقستان كومپوزيتورلار وداعى باسقارماسى تٶراعاسىنىڭ ورىنباسارى قىزمەتٸن دە اتقارعان. ۇزاق جىلدار بويى ۇستازدىق ەتٸپ, وتاندىق مۋزىكا سالاسىنا كەسٸبي ماماندار دايارلاۋعا ٷلەس قوستى.

دەرەككٶز: كومپوزيتوردىڭ ٶمٸربايانى مەن شىعارماشىلىعىنا ارنالعان سايت⁠.