فوتو: ۇيىمداستىۋشىلاردان
الماتىداعى وبلىستىق ورتالىق ەمبەباپ كٸتاپحاناسىندا «دٷنيەجٷزٸلٸك كٸتاپ جەنە اۆتورلىق قۇقىقتى قورعاۋ كٷنٸنە» وراي «كٸتاپقا تٷسكەن تۋعان ٶلكە» اتتى دٶڭگەلەك ٷستەل ۇيىمداستىرىلدى. ٸس-شارانىڭ ماقساتى اقىن-جازۋشىلاردىڭ مۇراسى ارقىلى تۋعان ٶلكەنٸڭ مەدەنيەتٸ مەن تاريحىن, ۇلتتىق بولمىسىن ۇرپاقتان ۇرپاققا ناسيحاتتاۋ, دەپ حابارلايدى Ult.kz.
دٶڭگەلەك ٷستەلدە مىسالى, مۇحتار ەۋەزوۆتٸڭ «اباي جولى» ەپوپەياسىندا سەمەي ٶڭٸرٸنٸڭ كٶركەم تابيعاتىن, قازاق حالقىنىڭ تۇرمىسىن, ٶمٸر سالتىن, ەدەت-عۇرپىن شەبەر سۋرەتتەۋٸ تالقىلاندى. سونداي-اق ٸليياس جانسٷگٸروۆتٸڭ «كٷي» پوەماسى ارقىلى سول ٶڭٸردٸڭ تاريحي وقيعالارى, ادامداردىڭ مٸنەز-قۇلقى مەن ٶزارا قاتىناستارىن دا كٶرسەتەتٸنٸن, ەبٸش كەكٸلباەۆتىڭ «ٷركەر» رومانىنان تۋعان جەردٸڭ تاريحىن, ونى ساقتاپ قالۋ ٷشٸن كٷرەسكەن حالىقتىڭ رۋحىن ۇعىناتىنىمىز, سەبيت مۇقانوۆتىڭ «بوتاگٶز» شىعارماسىندا قازاق حالقىنىڭ وتباسى قاتىناستارى, جاستاردىڭ اراسىندا بولاتىن ماحاببات پەن ٶمٸر سٷرۋ قۇندىلىقتارى كٶرٸنٸس تاباتىنى باياندالدى.
ۇيىمداستىرۋشىلار شارانىڭ ماڭىزدىلىعىنا توقتالىپ, قازٸرگٸدەي قاربالاس كەزەڭدە وقۋشىلاردىڭ تاريحقا, اتا-بابالارىمىزدىڭ عاسىرىنا كٸتاپپەن ساپار شەگۋ ارقىلى بٸلٸمدٸ عانا تولىقتىرىپ قويماي, ولاردىڭ قييال كٶكجيەگٸن دامىتاتىنىن, قييالدىڭ دامۋى شەكسٸز ويلاۋعا, ال شەكسٸز ويلاي الۋ ادامدى كەز كەلگەن سالادا مىقتى جەتٸستٸكتەرگە جەتكٸزەتٸنٸن ايتتى. وسى ورايدا مۇحتار ماحاۋيننٸڭ «كٶشپەندٸلەر» تريلوگيياسى جەلٸسٸمەن تٷسٸرٸلگەن, جەتٸسۋ جەرٸ شەبەر كٶرسەتٸلگەن «قازاق حاندىعى: الماس قىلىش» كينوسى كٶرسەتٸلدٸ.
كەش سوڭىندا كٸتاپحانانىڭ «ەدەبيەت جەنە ٶنەر» بٶلٸمٸنٸڭ قىزمەتكەرٸ ەلييا بورانباي:
«بۇل تەك تۋعان جەردٸڭ تابيعاتى مەن تاريحىن سيپاتتاۋ ەمەس, ول بٸزدٸڭ رۋحاني بايلىعىمىزدى, ۇلتتىق قۇندىلىقتارىمىزدى دەرٸپتەۋ, بولاشاق ۇرپاققا سول قۇندىلىقتاردى جەتكٸزۋدٸڭ بٸر جولى. بٷگٸنگٸ تالقىلاۋ بارىسىندا ەرقايسىمىز تۋعان ٶلكەنٸ تانىتۋدا سٶز ٶنەرٸنٸڭ رٶلٸ قانشالىقتى ماڭىزدى ەكەنٸن كٶردٸك. ەدەبيەت ارقىلى بٸز ٶزٸمٸزدٸڭ اتا-بابامىزدىڭ جٷرٸپ ٶتكەن جولدارىن, ولاردىڭ مەدەنيەتٸن, تۇرمىسىن جەنە ەلەۋمەتتٸك جاعدايلارىن تەرەڭٸرەك ۇعىنىپ, سول ارقىلى رۋحاني بٸرلٸگٸمٸزدٸ نىعايتۋعا ٷلەس قوسامىز. بٷگٸنگٸ دٶڭگەلەك ٷستەلٸمٸزدە سٶز بولعان قالامگەرلەردٸڭ شىعارمالارى, ولاردىڭ تۋعان جەرگە دەگەن سٷيٸسپەنشٸلٸگٸ مەن جانقييارلىق ەڭبەگٸ بٸز ٷشٸن ايرىقشا قۇندى. سول سەبەپتٸ, كەلگەندەرٸڭٸزگە العىس بٸلدٸرەمٸن», – دەدٸ.
