قازاقستاندا ٶزدەرٸن وپپوزيتسييالىق ۇيىم اتايتىن جالپىۇلتتىق سوتسيال-دەموكراتييالىق پارتييانىڭ تٶراعاسى جارماحان تۇياقباي 26 سەۋٸردە ٶتكەن پارتييا سەزٸندە تٶراعا قىزمەتٸنەن كەتتٸ, دەپ حابارلايدى ازاتتىق.
جسدپ سەزٸندە الدىمەن 9 ماۋسىمدا ٶتەتٸن كەزەكتەن تىس پرەزيدەنت سايلاۋىنا بويكوت جارييالاۋ تۋرالى شەشٸم قابىلداندى. بۇدان سوڭ سٶز العان تۇياقباي "جاستارعا جول بەرۋ كەرەكتٸگٸن" ايتىپ, پارتييا باسشىلىعىنان كەتەتٸنٸن مەلٸمدەدٸ.
سەزد دەلەگاتتارى تۇياقبايدىڭ بۇل ۇسىنىسىن بٸردەن ماقۇلداعان جوق. ٷش قايتارا داۋىسقا سالعان سوڭ عانا, 39 دەلەگاتتىڭ 22-سٸ ساياساتكەردٸڭ تٶراعالىقتان كەتۋٸن ماقۇلدادى.
- باسىم داۋىسپەن شەشٸم قابىلداندى. راقمەت سٸزدەرگە, - دەدٸ تۇياقباي.
ول پارتييا تٶراعالىعىنا "دات" گازەتتەر جوباسىنىڭ جەتەكشٸسٸ, جۋرناليست ەرمۇرات باپيدٸ ۇسىندى. ونىڭ كانديداتۋراسىن سەزد دەلەگاتتارى بٸراۋىزدان قولدادى. تۇياقباي تٶراعالىقتان كەتكەنٸمەن پارتييانىڭ ساياسي كەڭەسٸ مٷشەسٸ بولىپ قالدى.
60 جاستاعى ەرمۇرات باپي قازۇۋ-دى جۋرناليستيكا ماماندىعى بويىنشا تەمامداعان. 1990 جىلدارى "سوتسياليستٸك قازاقستان" (قازٸرگٸ "ەگەمەن قازاقستان") گازەتٸنٸڭ تٸلشٸسٸ بولدى. 1993-1995 جىلدارى قازاق راديوسى باسشىسىنىڭ ورىنباسارى قىزمەتٸن اتقاردى. 1995-1997 جىلدارى مينيسترلەر كابينەتٸنٸڭ باسپاسٶز حاتشىسى بولىپ ٸستەگەن. 1998 جىلى وپپوزيتسيياعا ٶتٸپ, 1998-1999 جىلدارى پرەزيدەنت سايلاۋى جايلى وپپوزيتسييالىق باعىتتا حابار تاراتقان "دات" گازەتٸن شىعارۋشىلاردىڭ بٸرٸ بولدى. "دات" باسىلىمى بٸرنەشە رەت جابىلىپ, كەيٸن جاڭا اتاۋمەن جۇمىسىن قايتا جالعاستىرىپ وتىردى.
باپيدٸ جسدپ ساياسي كەڭەسٸ بيىل ٶتەتٸن كەزەكتەن تىس پرەزيدەنت سايلاۋىنا ٷمٸتكەر رەتٸندە ۇسىنباق بولعان. بٸراق جۋرناليست "2021 جىلعا جوسپارلانعان پارلامەنت سايلاۋىنا دايىندالايىق" دەپ, بيىلعى سايلاۋعا تٷسۋدەن باس تارتتى.
بۇعان قوسا سەزد پارتييا اتاۋىن "اقيقات" جسدپ دەپ ٶزگەرتۋ تۋرالى شەشٸم قابىلدادى.
71 جاستاعى جارماحان تۇياقباي قازاقستان باس پروكۋرورى, مەملەكەتتٸك تەرگەۋ كوميتەتٸنٸڭ باسشىسى, ەكٸنشٸ شاقىرىلىمداعى مەجٸلٸس تٶراعاسى بولىپ قىزمەت اتقارعان. 2004 جىلى ول دەپۋتاتتىق مانداتىنان باس تارتىپ, پرەزيدەنتتٸك "وتان" (قازٸرگٸ "نۇر وتان") پارتيياسىنان شىققان. 2005 جىلى وپپوزيتسييا اتىنان پرەزيدەنت سايلاۋىنا تٷسكەن. ول سايلاۋدا نۇرسۇلتان نازارباەۆ 91,15 پايىز داۋىسپەن جەڭٸپ شىققان, تۇياقبايعا سايلاۋشىلاردىڭ 6,61 پايىزى داۋىس بەرگەن.
بيلٸككە وپپوزيتسييالىق باعىتتى ۇستاناتىنىن جارييالاعان جالپىۇلتتىق سوتسيال-دەموكراتييالىق پارتييا 2006 جىلى كٷزدە قۇرىلىپ, تٶراعالىعىنا جارماحان تۇياقباي سايلانعان. 2009 جىلى وپپوزيتسييالىق "ناعىز اق جول" پارتيياسىمەن بٸرٸگٸپ, كٶپ ۇزاماي قايتا بٶلٸنگەن.
2016 جىلى پارلامەنت سايلاۋىندا پارتييا 1,18 پايىز داۋىس جيناپ, مەجٸلٸسكە ٶتۋگە قاجەتتٸ جەتٸ پايىزدىق مەجەگە جەتە الماعان.
