قر ۇلتتىق ەكونوميكا بٸرٸنشٸ ۆيتسە-مينيسترٸ تيمۋر جاقسىلىقوۆ ەكونوميكادا تۇتىنۋشىلىق تاۋارلاردىڭ يمپورتىن الماستىرۋ ٷشٸن قانداي قادامدار ٸسكە اسىرىلاتىنىن ايتتى, دەپ حابارلايدى قازاقپارات.
«بٸزدٸڭ تاراپىمىزدان ەكونوميكا باعامدىق تەۋەكەلدەردەن قورعالۋى ٷشٸن نە ٸستەي الامىز? بۇل تۇرعىدا ۇلتتىق ەكونوميكانى دامىتىپ, يمپورتتى الماستىرۋعا ەكپٸن قويىلۋى تيٸس. بٸزدە ۆاليۋتا باعامىنىڭ اۋىتقۋى كٸمدەرگە ەسەر ەتٸپ وتىر? بۇل قۇبىلمالىلىق نەگٸزٸنەن تۇتىنۋشىلىق تاۋارلارعا ىقپال ەتۋدە. وسى ورايدا ازىق-تٷلٸككە دە قاتىستى. بٸزدە تۇتىنۋشىلىق تاۋارلاردىڭ ەلەۋلٸ يمپورتى بار, ونىڭ ٸشٸندە رەسەيدەن كەلەدٸ», - دەدٸ جاقسىلىقوۆ مەجٸلٸستە تٸلشٸلەر ساۋالىنا جاۋاپ بەرە وتىرىپ.
وسى ورايدا ول قازاقستاننىڭ ٸشٸندە جەكە ٶندٸرٸستٸڭ ەسەبٸنەن بۇل ٶنٸمدەردٸ ناقتى ۇسىنۋ باعىتىن دامىتۋ كەرەك ەكەنٸن اتاپ ٶتتٸ.
«بۇل رەتتە بٸزدە ينفلياتسيياعا قارسى جوسپار قابىلداندى. سونىمەن قاتار, حالىقتىڭ تابىسىن ارتتىرۋ باعدارلاماسى دايارلانىپ جاتىر. وسى ەكٸ باعدارلاما اياسىندا وتاندىق ٶندٸرٸستەردٸ سۋبسيدييالاۋ مەن وتاندىق ٶنٸمدٸ ارتتىرۋ ٷشٸن تيٸستٸ شارالار قابىلدانادى. بٸرٸنشٸ كەزەكتە, اۋىل شارۋاشىلىق سۋبسيدييالارى ارقىلى ازىق-تٷلٸك ٶنٸمٸنە ەكپٸن قويىلماق.
ٶنٸم جەتكٸلٸكتٸ كٶلەمدە پايدا بولۋى ٷشٸن باسقا دا ىنتالاندىرۋ ٸس-شارالارى ٸسكە اسىرىلادى. تاۋار ٸشكٸ نارىقتا جەتكٸلٸكتٸ كٶلەمدە بولسا, كٶرشٸلەس ەلدەردەن ينفلياتسييا يمپورتىنان تيٸستٸ دەڭگەيدە قورعالعانىمىزدى ايتا الامىز. بۇل جۇمىستار باستالدى», - دەدٸ ۆيتسە-مينيستر.
