قازاقستاندا تۇتىنۋشىلاردىڭ شاعىمىن قابىلداۋدىڭ بٸرىڭعاي اقپاراتتىق جٷيەسٸ قۇرىلادى. بۇل تۋرالى قر پارلامەنتٸ سەناتىنىڭ جالپى وتىرىسىندا تۇتىنۋشىلاردىڭ قۇقىقتارىن قورعاۋ مەسەلەلەرٸ كٶزدەلگەن زاڭ جوباسىن تانىستىرعان قر ساۋدا جەنە ينتەگراتسييا مينيسترٸ باقىت سۇلتانوۆ ايتتى, دەپ حابارلايدى قازاقپارات.
«ۋەكٸلەتتٸ ورگاننىڭ رٶلٸن كٷشەيتۋدە بٸرٸنشٸ كەزەكتە تيٸمدٸ تەسٸلدەردٸڭ بٸرٸ رەتٸندە «بٸر تەرەزە» قاعيداتى بويىنشا شاعىمداردى قابىلداۋدىڭ بٸرىڭعاي اقپاراتتىق جٷيەسٸ ۇسىنىلادى. مۇنداي جٷيەنٸ قۇرۋ تۇتىنۋشىلاردىڭ قۇقىعىن قورعاۋ بويىنشا بارلىق شارالاردى بٸر جەردە شوعىرلاندىرۋعا, شاعىمدى دايىنداۋ جەنە ونى قۇزىرلى ورگاندارعا جولداۋ رەسٸمدەرٸن جەڭٸلدەتۋگە, سونداي-اق, بارلىق ٶتٸنٸشتەر مەن ولاردى قاراۋ نەتيجەلەرٸن تسيفرلاندىرۋعا مٷمكٸندٸك بەرەدٸ», - دەدٸ «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە تۇتىنۋشىلاردىڭ قۇقىقتارىن قورعاۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» قر زاڭىنىڭ جوباسىن تانىستىرعان مينيستر.
باقىت سۇلتانوۆتىڭ اتاپ ٶتۋٸنشە, تۇتىنۋشىلارعا ىڭعايلى بولۋ ٷشٸن جٷيەدە داۋدىڭ مەنٸنە جەنە قىزمەت كٶرسەتۋ سالاسىنا بايلانىستى شاعىمداردىڭ بٸرقاتار ٷلگٸلٸك فورمالارى, سونداي-اق داۋلاردى قارايتىن سۋبەكتٸلەردٸڭ جەنە مەملەكەتتٸك ورگانداردىڭ تٸزبەسٸ مەن بايلانىس اقپاراتتارى ورنالاستىرىلادى.
«ەكٸنشٸ كەزەكتە, تۇتىنۋشىلاردىڭ قۇقىقتارىن قورعاۋ جٶنٸندەگٸ ۆەدومستۆوارالىق كەڭەس قۇرىلاتىن بولادى, ول وسى باعىتتاعى كٶتەرٸلەتٸن مەسەلەلەردٸڭ مەنٸ مەن ماڭىزدىلىعىن كٷشەيتەدٸ, پروبلەمالىق نورماتيۆتٸك قۇقىقتىق اكتٸلەردٸ تەز ارادا ٶزگەرتۋگە مٷمكٸندٸك بەرەدٸ, مەملەكەتتٸك ورگاندار قابىلدايتىن شەشٸمدەردٸڭ تيٸمدٸلٸگٸنە تيٸستٸ باقىلاۋدى قامتاماسىز ەتەدٸ. سونىمەن قاتار, ۋەكٸلەتتٸ ورگانعا مەملەكەتتٸك باقىلاۋ فۋنكتسيياسى بەرٸلەدٸ. بۇل تەكسەرٸس جوسپاردان تىس باقىلاۋ سۋبەكتٸسٸنە بارماي پروفيلاكتيكالىق تٷردە جٷزەگە اسىرىلادى», - دەدٸ باقىت سۇلتانوۆ.
