تەلەارنا مەلٸمەتٸنشە, باستاپقىدا ورتالىق باسشىسى تۇرسىنبەك قاباتوۆپەن جاقسى تانىس ەكەنٸن ايتقان. بٸراق تۇرسىنبەكتٸڭ ٶزٸ ورتالىق باسشىسىن دا, قىزىن دايىنداعان جەتەكشٸنٸ دە تانىمايتىنىن مەلٸمدەپ وتىر. ونىڭ ايتۋىنشا, بۇل جاعدايدى ول 15 تامىزدا ادۆوكات ابزال قۇسپان Facebook جەلٸسٸندە جازبا جارييالاعاندا عانا بٸلگەن.
"وسى 140+1 مەكتەبٸندە قىزىم وقيتىنىن بٸلەمٸن. سول جەردەن ۇبت-عا كەتكەنٸن دە بٸلەمٸن. وعان كٸردٸ, ۇبت تاپسىردى. بٸراق ٸشٸندە بولىپ جاتقان بىلىقتى جاساعان كٸم ەكەنٸن بٸلمەيمٸن", - دەدٸ تۇرسىنبەك قاباتوۆ.
ال, ونىڭ قىزىن ۇبت-عا دايىنداعان جەتەكشٸسٸ نۇربەك قاناي جاساعان ٸسٸن تولىق مويىنداپ وتىر. ول تۇرسىنبەكتٸڭ قىزىنان بٶلەك تاعى ٷش تالاپكەرگە جالعان قۇجات جاساپ, تەستٸلەۋگە ٶزگە بٸرەۋدٸ كٸرگٸزگەن. ول مۇنى قازاقستاندىق تانىمال ەزٸلكەشتٸڭ الدىندا بەدەل جيناۋ ٷشٸن جاساعانىن ايتتى.
"ەدەمٸ جوعارى بالل السا, ٶزٸمنٸڭ بەدەلٸمدٸ كٶتەرۋ ٷشٸن ٸستەدٸم. پروتسەسس بىلاي عوي. مەن ەدەمٸنٸڭ ورنىنا سىمباتتىڭ سۋرەتٸن قويامىن, تەك اۋىستىرا سالامىن. باسقا ەشتەڭەنٸ ٶزگەرتپەيمٸن", - دەدٸ نۇربەك قۇجاتتى قالاي جاساعانىن تٷسٸندٸرٸپ.
نۇربەك قاناي تۇرسىنبەكتٸڭ قىزى ەدەمٸنٸڭ ورنىنا تۋعان قارىنداسىن كٸرگٸزگەن. ونىڭ ايتۋىنشا, ەكٸ قىز دا تەكسەرۋدەن ٶزٸنٸڭ جەكە كۋەلٸگٸ بويىنشا ٶتكەنٸمەن, كٸرگەننەن كەيٸن ورىندارىن اۋىستىرعان. ال تەكسەرۋشٸدەن سىتىلىپ كەتۋ ٷشٸن, الدىن الا دايىندالعان جالعان قۇجاتتى ٷستەل ٷستٸنە قويعان.
"ەكەۋٸ ورنىمەن اۋىسىپ قويدى عوي. ەندٸ, ەگەر تەكسەرۋشٸ كەلەتٸن بولسا, پەرنەتاقتانىڭ استىندا جالعان قۇجات بار. سونى كٶرسەتۋٸ كەرەك بولدى", - دەدٸ نۇربەك قاناي.
بٸراق ۇبت باستالعان كەزدە 102 ارناسىنا شاقىرتۋ تٷسٸپ 8 وقۋشى تەستٸلەۋدەن شىعارىلعان. جاعدايعا قاتىستى قىلمىستىق ٸس 13 ماۋسىمدا تٸركەلگەن. ال, نۇربەكتٸڭ ٶزٸ 4 وقۋىشىنىڭ اتا-اناسى بۇل جايتتى بٸلمەيدٸ, كٸنەنٸ تولىق موينىما الامىن دەپ وتىر.
ايتا كەتەيٸك, بۇعان دەيٸن 15 تامىزدا ادۆوكات ابزال قۇسپان Facebook جەلٸسٸندە ەزٸلكەش تۇرسىنبەك قاباتوۆتىڭ قىزى ۇبت-عا ٶزگە بٸرەۋدٸ كٸرگٸزگەنٸن جازعان ەدٸ.
كەيٸن تۇرسىنبەك قاباتوۆ Instagram جەلٸسٸندەگٸ پاراقشاسىنا وقيعانىڭ مەن-جايىن ايتىپ ۆيدەو جارييالادى. تۇرسىنبەك قىزىن ۇبت-عا دايىنداعان نۇربەك ەسٸمدٸ ەر اداممەن تەلەفون ارقىلى سٶيلەسكەنٸن ۆيدەوعا تٷسٸرگەن.
وقيعاعا قاتىستى قالالىق پد ٶكٸلدەرٸ دە پٸكٸر بٸلدٸردٸ. ۆەدومستۆو مەلٸمەتٸنشە, تەرگەۋ بارىسىندا جالعان كۋەلٸك جاساۋ بويىنشا 22 جاستاعى كٷدٸكتٸ انىقتالىپ, فاكت بويىنشا قر قك-نٸڭ 385-بابى 1-بٶلٸگٸ بويىنشا قىلمىستىق ٸس قوزعالعان.
