Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Dáriger uzaq ómir súrýdiń el bilmeitin taǵy bir qupiiasyn ashty Dáriger uzaq ómir súrýdiń el bilmeitin taǵy bir qupiiasyn ashty
Qoǵam

Tursynbek Qabatovtyń qyzyn UBT-ǵa daiyndaǵan repetitor daýdyń mán-jaiyn aitty

Ult portaly
Tursynbek Qabatovtyń qyzyn UBT-ǵa daiyndaǵan repetitor daýdyń mán-jaiyn aitty


Ataqty ázilkesh Tursynbek Qabatov qyzyna qatysty daýdyń mán-jaiyn aityp, suhbat berdi. Qyzy UBT tapsyryp, qylmystyq is tirkelgenine bir aidan assa da ázilkesh bul jaǵdaidan beihabar ekenin aitty, - dep habarlaidy Tengrinews.kz tilshisi "31 arnaǵa silteme jasap.

Birneshe kún buryn Qazaqstandaǵy tanymal ázilkesh Tursynbek Qabatovtyń qyzy Ádemi Amanǵali UBT-ǵa ózge bireýdi kirgizip, tipti jalǵan jeke kýálik jasatqany týraly aqparat Jelide tarap ketti. 

Telearna málimetinshe, bastapqyda ortalyq basshysy Tursynbek Qabatovpen jaqsy tanys ekenin aitqan. Biraq Tursynbektiń ózi ortalyq basshysyn da, qyzyn daiyndaǵan jetekshini de tanymaitynyn málimdep otyr. Onyń aitýynsha, bul jaǵdaidy ol 15 tamyzda advokat Abzal Quspan Facebook jelisinde jazba jariialaǵanda ǵana bilgen.

"Osy 140+1 mektebinde qyzym oqitynyn bilemin. Sol jerden UBT-ǵa ketkenin de bilemin. Oǵan kirdi, UBT tapsyrdy. Biraq ishinde bolyp jatqan bylyqty jasaǵan kim ekenin bilmeimin", - dedi Tursynbek Qabatov. 

Al, onyń qyzyn UBT-ǵa daiyndaǵan jetekshisi Nurbek Qanai jasaǵan isin tolyq moiyndap otyr. Ol Tursynbektiń qyzynan bólek taǵy úsh talapkerge jalǵan qujat jasap, testileýge ózge bireýdi kirgizgen. Ol muny qazaqstandyq tanymal ázilkeshtiń aldynda bedel jinaý úshin jasaǵanyn aitty. 

"Ádemi joǵary ball alsa, ózimniń bedelimdi kóterý úshin istedim. Protsess bylai ǵoi. Men Ádeminiń ornyna Symbattyń sýretin qoiamyn, tek aýystyra salamyn. Basqa eshteńeni ózgertpeimin", - dedi Nurbek qujatty qalai jasaǵanyn túsindirip.

Nurbek Qanai Tursynbektiń qyzy Ádeminiń ornyna týǵan qaryndasyn kirgizgen. Onyń aitýynsha, eki qyz da tekserýden óziniń jeke kýáligi boiynsha ótkenimen, kirgennen keiin oryndaryn aýystyrǵan. Al tekserýshiden sytylyp ketý úshin, aldyn ala daiyndalǵan jalǵan qujatty ústel ústine qoiǵan. 

"Ekeýi ornymen aýysyp qoidy ǵoi. Endi, eger tekserýshi keletin bolsa, pernetaqtanyń astynda jalǵan qujat bar. Sony kórsetýi kerek boldy", -  dedi Nurbek Qanai.

Biraq UBT bastalǵan kezde 102 arnasyna shaqyrtý túsip 8 oqýshy testileýden shyǵarylǵan. Jaǵdaiǵa qatysty qylmystyq is 13 maýsymda tirkelgen. Al, Nurbektiń ózi 4 oqýyshynyń ata-anasy bul jaitty bilmeidi, kináni tolyq moinyma alamyn dep otyr.

Aita keteiik, buǵan deiin 15 tamyzda advokat Abzal Quspan Facebook jelisinde ázilkesh Tursynbek Qabatovtyń qyzy UBT-ǵa ózge bireýdi kirgizgenin jazǵan edi. 

Keiin Tursynbek Qabatov Instagram jelisindegi paraqshasyna oqiǵanyń mán-jaiyn aityp video jariialady. Tursynbek qyzyn UBT-ǵa daiyndaǵan Nurbek esimdi er adammen telefon arqyly sóileskenin videoǵa túsirgen.

Oqiǵaǵa qatysty qalalyq PD ókilderi de pikir bildirdi. Vedomstvo málimetinshe, tergeý barysynda jalǵan kýálik jasaý boiynsha 22 jastaǵy kúdikti anyqtalyp, fakt boiynsha QR QK-niń 385-baby 1-bóligi boiynsha qylmystyq is qozǵalǵan.

Oqi otyryńyz