بٷگٸندە تۇرسىنعالي الاگٶزوۆتٸڭ ەسٸمٸ كٶپشٸلٸككە "Maxi چاي" برەندٸمەن جاقسى تانىس. الايدا كەسٸپكەردٸڭ قازٸرگٸ اكتيۆتەرٸ بٸر عانا سۋسىن ٶندٸرٸسٸمەن شەكتەلمەيدٸ. ونىڭ بيزنەس پورتفەلٸندە الكوگولسٸز سۋسىندار ٶندٸرٸسٸ, شىمكەنت سىرا زاۋىتى, ۇن مەن ماكارون ٶنٸمدەرٸن شىعاراتىن JFood Kazakhstan بار. ال 2026 جىلى وسى ٶندٸرٸستٸك اكتيۆتەردٸ بٸر ورتالىققا بٸرٸكتٸرۋ ٷشٸن Baiuly Capital حولدينگٸ قۇرىلدى, دەپ حابارلايدى ult.kz.
Forbes Kazakhstan 2026 جىلعى مامىردا الاگٶزوۆتٸڭ دەۋلەتٸن 160 ملن دوللارعا باعالاپ, قازاقستاننىڭ ەڭ اۋقاتتى 75 كەسٸپكەرٸ رەيتينگٸندە 58-ورىنعا ورنالاستىردى. بٸر قىزىعى, وسى دەڭگەيگە جەتكەن كەسٸپكەردٸڭ جولى ٷلكەن زاۋىتتان نەمەسە قوماقتى ينۆەستيتسييادان ەمەس, قاراپايىم اۋىز سۋىن ٷي-ٷيگە تاسۋدان باستالعان.
بەرٸ "حرۋستالنايا" سۋىنان باستالدى
تۇرسىنعالي الاگٶزوۆتٸڭ كەسٸپكەرلٸك تاريحىنىڭ باستاۋىن 1998 جىلدان ٸزدەۋ كەرەك. سول كەزدە Galanz Bottlers كومپانيياسىنىڭ نەگٸزٸ قالانىپ, كەسٸپكەر «حرۋستالنايا» اۋىز سۋىن ٶندٸرۋ جەنە جەتكٸزۋمەن اينالىسا باستايدى. كومپانييانىڭ رەسمي تاريحىندا دا 1998 جىل بيزنەستٸڭ باستالعان كەزەڭٸ رەتٸندە كٶرسەتٸلگەن.
الاگٶزوۆ كەيٸن العاشقى كەزەڭ تۋرالى ەستەلٸگٸندە جۇمىستىڭ باسىم بٶلٸگٸن ٶزٸ اتقارعانىن ايتقان. سۋدى ٶزٸ قۇيىپ, بٶتەلكەلەردٸ جۋىپ, تاپسىرىس بەرۋشٸلەرگە ٶزٸنٸڭ كٶلٸگٸمەن جەتكٸزگەن. العاشقى ايدا بٸرنەشە جٷز بٶتەلكەدەن باستالعان ساۋدا بٸرتٸندەپ مىڭداعان بٶتەلكەگە دەيٸن ٶسكەن.
2012 جىلى The Business Year باسىلىمىنا بەرگەن سۇحباتىندا كەسٸپكەر باستاپقى بيزنەستٸڭ قۇنى شامامەن 15 مىڭ دوللار بولعانىن ايتقان. العاشقى ٶندٸرٸس ٷشٸن 100 بٶتەلكە مەن ساعاتىنا 200 ليتر سۋدى تازالاي الاتىن شاعىن جابدىق ساتىپ الىنىپ, عيمارات جالعا الىنعان.
وسىلايشا كەيٸن جٷزدەگەن ميلليون دوللارعا باعالانعان بيزنەستٸڭ ٸرگەتاسى ٶتە شاعىن ٶندٸرٸستەن قالاندى.
قىتايداعى سۋسىننان تۋعان "Maxi چاي"
الاگٶزوۆ بيزنەسٸندەگٸ ەڭ ماڭىزدى بەتبۇرىس 2000-جىلداردىڭ باسىندا بولدى.
كەسٸپكەر قىتايعا بارعان ساپارلارى كەزٸندە سالقىنداتىلعان جاسىل شاي ٸشٸپ, مۇنداي ٶنٸمنٸڭ قازاقستان نارىعىندا جوقتىعىنا نازار اۋدارادى. سودان كەيٸن وسى فورماتتاعى سۋسىندى ەلدە ٶندٸرۋ يدەياسىن قولعا الادى.
بٸراق يدەيانى ٸسكە اسىرۋ وڭاي بولماعان. الاگٶزوۆتٸڭ ايتۋىنشا, قاجەتتٸ تەحنولوگييانى مەڭگەرۋ ٷشٸن قىتايعا جىلىنا بٸرنەشە رەت بارىپ, بٶتەلكە, شيكٸزات, شاي ەكستراكتٸلەرٸ مەن ٶندٸرٸس تەحنولوگيياسىن زەرتتەگەن. قىتايلىق تەحنولوگتارمەن بايلانىس ورناتىپ, قاجەتتٸ جابدىققا كەلٸسٸم جاساعان.
نەتيجەسٸندە 2004 جىلعى 24 ماۋسىمدا العاشقى «Maxi چاي» بٶتەلكەسٸ شىعارىلدى. كومپانييانىڭ رەسمي تاريحى دا برەندتٸڭ ٶندٸرٸسٸ 2004 جىلى باستالعانىن كٶرسەتەدٸ.
العاشقى ٶنٸم مٸنسٸز بولماعان. كەسٸپكەردٸڭ ٶز ەستەلٸگٸنە قاراعاندا, باستاپقى پارتييانىڭ دەمٸ مەن ٶندٸرٸس تەحنولوگيياسىن جەتٸلدٸرۋگە تۋرا كەلگەن. كەيٸن اسسورتيمەنت كەڭەيٸپ, جاسىل شاي مەن ليمون سەكٸلدٸ دەمدەر پايدا بولدى.
دەل وسى ٶنٸم كەيٸن Galanz Bottlers بيزنەسٸنٸڭ نەگٸزگٸ قوزعاۋشى كٷشتەرٸنٸڭ بٸرٸنە اينالدى.
45 ملن ەۋرولىق جاڭا زاۋىت
سۇرانىستى ٶتەۋ ٷشٸن الماتينسكوي وبلىسىنىڭ بايسەركە اۋىلىندا جاڭا ٸرٸ ٶندٸرٸس ورنى سالىندى.
Forbes Kazakhstan دەرەگٸنشە, كەسٸپورىننىڭ اۋماعى شامامەن 55 مىڭ شارشى مەتردٸ قۇرايدى. الاگٶزوۆ جاڭا زاۋىتقا سالىنعان جالپى ينۆەستيتسييا كٶلەمٸن 45 ملن ەۋرو دەپ باعالاعان. بۇل سوماعا جەر ساتىپ الۋ, قۇرىلىس, جابدىقتار, ەنەرگەتيكالىق ينفراقۇرىلىم جەنە ٶندٸرٸستٸك قۋاتتاردى دامىتۋ شىعىندارى كٸرگەن.
كەسٸپكەردٸڭ ايتۋىنشا, ينۆەستيتسييانىڭ شامامەن 60%-ى كومپانييانىڭ ٶز قاراجاتىنان تٶلەنٸپ, قالعان بٶلٸگٸ جابدىق جەتكٸزۋشٸلەرمەن جاسالعان پايىزسىز بٶلٸپ تٶلەۋ كەلٸسٸمدەرٸ ارقىلى قارجىلاندىرىلعان. ياعني بۇل جوبا ٷشٸن بانك نەسيەسٸ تارتىلماعان.
بٸر ٶندٸرٸستٸك جەلٸنٸڭ قۋاتى جىلىنا 350 ملن ليترگە دەيٸن جەتۋٸ مٷمكٸن. قوسىمشا جەلٸلەر ٸسكە قوسىلعان جاعدايدا جالپى ەلەۋەتتٸ قۋات جىلىنا 1,2 ملرد ليترگە دەيٸن جەتكٸزۋ كٶزدەلگەن.
وسى تۇستا الاگٶزوۆتٸڭ بيزنەس مودەلٸنٸڭ تاعى بٸر سيپاتى كٶرٸنەدٸ: دايىن ٶنٸم ساتۋدان تٷسكەن قاراجاتتىڭ بٸر بٶلٸگٸ قايتادان ٶندٸرٸستٸك قۋاتتى ارتتىرۋعا باعىتتالادى.
الاگٶزوۆ 2025 جىلدىڭ سوڭىندا ٷش نەگٸزگٸ باعىتتاعى كەسٸپورىنداردا شامامەن 5 مىڭ ادامجۇمىس ٸستەيتٸنٸن ايتىپ, مۇنداي اۋقىمدا ەر پروتسەستٸ ٶزٸ باقىلاۋ مٷمكٸن ەمەس ەكەنٸن تٷسٸندٸرگەن. سوندىقتان اكتيۆتەردٸ كلاسسيكالىق حولدينگ ٷلگٸسٸنە كٶشٸرۋ تۋرالى شەشٸم قابىلداندى.
وسىلايشا سۋسىن, سىرا جەنە ازىق-تٷلٸك ٶندٸرٸسٸن بٸر باسقارۋ جٷيەسٸنە بٸرٸكتٸرۋ يدەياسى پايدا بولدى.
ايتا كەتەيٸك, پروديۋسەر بايان الاگٶزوۆا جۋرناليست امان تاسىعانعا بەرگەن سۇحباتىندا جۇبايى تۇرسىن الاگٶزوۆتٸڭ بۇرىنعى ەيەلٸمەن قارىم-قاتىناسى تۋرالى ايتتى.
