2021 جىلدىڭ باسىندا تٷرمەلەردەگٸ مەديتسينا قىزمەتكەرلەرٸنٸڭ جەتٸسپەۋشٸلٸگٸ پروبلەماسى شەشٸلەدٸ. بۇل تۋرالى قر ٸشكٸ ٸستەر مينيسترلٸگٸ قىلمىستىق اتقارۋ جٷيەسٸ كوميتەتٸنٸڭ تٶراعاسى, پوليتسييا پولكوۆنيگٸ جانات ەشماعامبەتوۆ ايتتى, دەپ حابارلايدى قازاقپارات.
«قازٸرگٸ ۋاقىتتا مەديتسينا قىزمەتكەرلەرٸنٸڭ جەتٸسپەۋشٸلٸگٸ مەن مەديتسينالىق قۇرال-جابدىقتاردىڭ ەسكٸرۋٸ سىندى پروبلەمانىڭ بار ەكەندٸگٸن مويىنداۋىمىز قاجەت. سەبەبٸ بەلگٸلٸ - تٶمەن جالاقى, تۇرعىن ٷي جاعدايىنىڭ بولماۋى. مٷددەلٸ ورگاندارمەن بٸرلەسٸپ, بۇل مەسەلە پىسىقتالدى جەنە كەلەسٸ جىلدىڭ باسىندا وسىناۋ پروبلەما شەشٸلەدٸ», - دەدٸ جانات ەشماعامبەتوۆ.
ونىڭ اتاپ ٶتۋٸنشە, مەديتسينالىق قۇرال-جابدىقتار وسىدان 7-8 جىل ساتىپ الىنعان.
«مەديتسينا بٸر ورىندا تۇرعان جوق جەنە قازٸرگٸ جاراقتاندىرىلعان قۇرال-جابقىتار تەحنيكالىق تۇرعىدا ەسكٸردٸ جەنە جاڭارتۋدى قاجەت ەتەدٸ. قارجىلاندىرۋدىڭ جەتكٸلٸكسٸزدٸگٸن ەسكەرە وتىرىپ, جەرگٸلٸكتٸ بيۋدجەتتەردٸڭ قوسىمشا قاراجاتتارىن پايدالاۋ مٷمكٸندٸگٸ قاراستىرىلىپ جاتىر. ٶيتكەنٸ, كٶپ جاعدايدا جازاسىن ٶتەپ جاتقان تۇلعالار سول ٶڭٸرلەردٸڭ تۇرعىندارى سانالادى», - دەدٸ كوميتەت تٶراعاسى.
