2021 jyldyń basynda túrmelerdegi meditsina qyzmetkerleriniń jetispeýshiligi problemasy sheshiledi. Bul týraly QR Ishki ister ministrligi Qylmystyq atqarý júiesi komitetiniń tóraǵasy, politsiia polkovnigi Janat Eshmaǵambetov aitty, dep habarlaidy QazAqparat.
«Qazirgi ýaqytta meditsina qyzmetkerleriniń jetispeýshiligi men meditsinalyq qural-jabdyqtardyń eskirýi syndy problemanyń bar ekendigin moiyndaýymyz qajet. Sebebi belgili - tómen jalaqy, turǵyn úi jaǵdaiynyń bolmaýy. Múddeli organdarmen birlesip, bul másele pysyqtaldy jáne kelesi jyldyń basynda osynaý problema sheshiledi», - dedi Janat Eshmaǵambetov.
Onyń atap ótýinshe, meditsinalyq qural-jabdyqtar osydan 7-8 jyl satyp alynǵan.
«Meditsina bir orynda turǵan joq jáne qazirgi jaraqtandyrylǵan qural-jabqytar tehnikalyq turǵyda eskirdi jáne jańartýdy qajet etedi. Qarjylandyrýdyń jetkiliksizdigin eskere otyryp, jergilikti biýdjetterdiń qosymsha qarajattaryn paidalaý múmkindigi qarastyrylyp jatyr. Óitkeni, kóp jaǵdaida jazasyn ótep jatqan tulǵalar sol óńirlerdiń turǵyndary sanalady», - dedi komitet tóraǵasy.
