تٷركييانىڭ ۆان شاھارىندا جارىلىستان جارالانعاندار سانى 48-گە جەتتٸ. ەكٸ ادامنىڭ جاعدايى ٶتە اۋىر دەپ باعالانۋدا. وسىعان دەيٸن 11 ادامنىڭ جاراقات العانى حابارلانعان. جارىلىس دٷيسەنبٸ كٷنٸ تاڭەرتەڭ ورىن الدى.
جەرگٸلٸكتٸ باق-تىڭ جازۋىنشا, جارىلعىش زات سالىنعان كٶلٸك بيلٸكتٸڭ ەدٸلەت جەنە دامۋ پارتيياسىنىڭ ايماقتىق كەڭسەسٸنٸڭ جانىندا جارىلعان. وقيعا ورىن العان ماڭايدا پوليتسييا بٶلٸمشەسٸ دە ورنالاسقان. جاراقات العانداردىڭ ٸشٸندە ەكٸ پوليتسييا قىزمەتكەرٸ دە بار.
ەزٸگە تەراكتٸنٸڭ ارتىندا كٸم تۇرعانى بەلگٸسٸز. بٸرەر كٷن بۇرىن تٷركييا بيلٸگٸ كٷردتەر ورنالاسقان 28 اۋداننىڭ باسشىلىعىن قىزمەتتەرٸنەن العان. جۇمىستان قۋىلعان شەنەۋنٸكتەر كٷردٸستان جۇمىسشىلار پارتيياسىمەن بايلانىسى بار دەپ ايىپتالدى. اتالعان پارتييانى انكارا مەن بٸرقاتار باتىس ەلدەرٸ تەرروريستٸك ۇيىم دەپ ەسەپتەيدٸ.
بۇل ٶزگەرٸستەر كٷرد حالقىنىڭ نارازىلىعىن تۋعىزعان.
سوڭعى ايلاردا تٷركييانىڭ وڭتٷستٸك-شىعىسىندا جارىلىستار جيٸ ورىن الۋدا. ەل بيلٸگٸ جارىلىستاردى كٷردٸستان جۇمىسشىلار پارتيياسى جاساپ وتىر دەپ سانايدى.
centralasian.org
