Túrkiianyń Van shaharynda jarylystan jaralanǵandar sany 48-ge jetti. Eki adamnyń jaǵdaiy óte aýyr dep baǵalanýda. Osyǵan deiin 11 adamnyń jaraqat alǵany habarlanǵan. Jarylys dúisenbi kúni tańerteń oryn aldy.
Jergilikti BAQ-tyń jazýynsha, jarylǵysh zat salynǵan kólik biliktiń Ádilet jáne damý partiiasynyń aimaqtyq keńsesiniń janynda jarylǵan. Oqiǵa oryn alǵan mańaida politsiia bólimshesi de ornalasqan. Jaraqat alǵandardyń ishinde eki politsiia qyzmetkeri de bar.
Ázige teraktiniń artynda kim turǵany belgisiz. Birer kún buryn Túrkiia biligi kúrdter ornalasqan 28 aýdannyń basshylyǵyn qyzmetterinen alǵan. Jumystan qýylǵan sheneýnikter Kúrdistan jumysshylar partiiasymen bailanysy bar dep aiyptaldy. Atalǵan partiiany Ankara men birqatar Batys elderi terroristik uiym dep esepteidi.
Bul ózgerister kúrd halqynyń narazylyǵyn týǵyzǵan.
Sońǵy ailarda Túrkiianyń ońtústik-shyǵysynda jarylystar jii oryn alýda. El biligi jarylystardy Kúrdistan jumysshylar partiiasy jasap otyr dep sanaidy.
centralasian.org
