اپات الدىندا ۇشاق تٷركييانىڭ ورمان شارۋاشىلىعى باسقارماسىنىڭ قاراۋىندا بولىپ, ورمان ٶرتٸن سٶندٸرۋگە جۇمىلدىرىلعان. ونى ەلدٸڭ وڭتٷستٸگٸندەگٸ المالى اۋدانىنداعى ٶرتتٸ سٶندٸرۋگە قولدانعان دەپ حابارلادى "انادولۋ" اگەنتتٸگٸ.
اپاتتىڭ سەبەبٸ بەلگٸسٸز. كۋەگەرلەردٸڭ ۆيدەو جازبالارىنا قاراعاندا, ۇشاق ٶرت اۋماعىنا سۋ تٶككەن سوڭ, تاۋعا بارىپ سوقتىققان.
تٷركييا سىرتقى ٸستەر مينيسترٸ مەۆليۋت چاۆۋشوگلۋ Twitter-دە وسى وقيعاعا بايلانىستى كٶڭٸل ايتتى.
"كاحرامانماراشتاعى ٶرتتٸ سٶندٸرۋ كەزٸندە بولعان ۇشاق اپاتىندا تٷرٸك جەنە ورىس ەكيپاجىنىڭ قازا بولعانى تۋرالى حاباردى زور كٷيٸنٸشپەن قابىلدادىم. تٷرٸك جەنە ورىس حالىقتارىنا كٶڭٸل ايتامىز. قازا تاپقانداردىڭ ەرلٸگٸ ۇمىتىلمايدى!"- دەپ جازدى مينيستر Twitter-دەگٸ پاراقشاسىندا.
تٷركييا ەۋە كٷشتەرٸ بە-200 ٶرت سٶندٸرۋشٸسٸ قۇلاعان جەرگە ٸزدەستٸرۋ-قۇتقارۋ وپەراتسيياسىن جٷرگٸزۋ ٷشٸن ۇشاق پەن تٸكۇشاق جٸبەردٸ. سونداي-اق, اپات ورنىنا رەسەي قورعانىس مينيسترلٸگٸنٸڭ كوميسسيياسى مەن انكاراداعى رەسەي ەلشٸلٸگٸنٸڭ ٶكٸلدەرٸ اتتانعان.
اپات ورنىنا رەسەي قورعانىس مينيسترلٸگٸنٸڭ كوميسسيياسى جٸبەرٸلدٸ. سوۆەت ۇشقىشى الەكساندر مامكيننٸڭ قۇرمەتٸنە اتالعان ۇشاق 2020 جىلدىڭ اقپانىنان باستاپ قولدانىلا باستاعان.
رەسەي پرەزيدەنتٸ ۆلاديمير پۋتين قازا تاپقانداردىڭ تۋىستارىنا كٶڭٸل ايتىپ, قورعانىس مينيسترٸ سەرگەي شويگۋعا مارقۇمداردى مەملەكەتتٸك ماراپاتقا ۇسىنۋدى تاپسىردى.
اپاتقا ۇشىراعان بە-200 ۇشاعى كراسنودار ٶلكەسٸ قىرىم قالاسىنىڭ اەرودرومىندا بولعان. تٷركيياعا ونى شٸلدەنٸڭ باسىندا جولداعان.
