Apat aldynda ushaq Túrkiianyń orman sharýashylyǵy basqarmasynyń qaraýynda bolyp, orman órtin sóndirýge jumyldyrylǵan. Ony eldiń ońtústigindegi Almaly aýdanyndaǵy órtti sóndirýge qoldanǵan dep habarlady "Anadolý" agenttigi.
Apattyń sebebi belgisiz. Kýágerlerdiń video jazbalaryna qaraǵanda, ushaq órt aýmaǵyna sý tókken soń, taýǵa baryp soqtyqqan.
Túrkiia syrtqy ister ministri Mevliýt Chavýshoglý Twitter-de osy oqiǵaǵa bailanysty kóńil aitty.
"Kahramanmarashtaǵy órtti sóndirý kezinde bolǵan ushaq apatynda túrik jáne orys ekipajynyń qaza bolǵany týraly habardy zor kúiinishpen qabyldadym. Túrik jáne orys halyqtaryna kóńil aitamyz. Qaza tapqandardyń erligi umytylmaidy!"- dep jazdy ministr Twitter-degi paraqshasynda.
Túrkiia áýe kúshteri Be-200 órt sóndirýshisi qulaǵan jerge izdestirý-qutqarý operatsiiasyn júrgizý úshin ushaq pen tikushaq jiberdi. Sondai-aq, apat ornyna Resei Qorǵanys ministrliginiń komissiiasy men Ankaradaǵy Resei elshiliginiń ókilderi attanǵan.
Apat ornyna Resei qorǵanys ministrliginiń komissiiasy jiberildi. Sovet ushqyshy Aleksandr Mamkinniń qurmetine atalǵan ushaq 2020 jyldyń aqpanynan bastap qoldanyla bastaǵan.
Resei prezidenti Vladimir Pýtin qaza tapqandardyń týystaryna kóńil aityp, qorǵanys ministri Sergei Shoigýǵa marqumdardy memlekettik marapatqa usynýdy tapsyrdy.
Apatqa ushyraǵan Be-200 ushaǵy Krasnodar ólkesi Qyrym qalasynyń aerodromynda bolǵan. Túrkiiaǵa ony shildeniń basynda joldaǵan.
