رەسەيدٸڭ تٷركيياداعى ەلشٸسٸ اندرەي كارلوۆتىڭ ٶلٸمٸنە قاتىستى ايىپتالعان بەس ادام ٶمٸرلٸك تٷرمە جازاسىنا كەسٸلدٸ. 9 ناۋرىزدا انكارا سوتىندا ايىپتالۋشىلارعا ٷكٸم وقىلدى, دەپ جازدى Anadolu اگەنتتٸگٸ. ديپلومات 2016 جىلى ٶنەر گالەرەياسىندا كٶرمەنٸڭ اشىلۋى كەزٸندە اتىپ ٶلتٸرٸلگەن.
بيلٸك ەلشٸنٸ مەۆليۋت مەرت التىنتاش ەسٸمدٸ ادام تاپانشامەن اتتى دەپ مەلٸمدەدٸ. التىنتاشتىڭ ٶزٸن ارنايى جاساق وقيعا كەزٸندە اتىپ ٶلتٸرگەن. ٸس بويىنشا جالپى 28 ايىپتالۋشى بار. التاۋى اقتالىپ, بٸرنەشەۋٸ سىرتتاي سوتتالدى. قالعانى تٷرلٸ مەرزٸمدە تٷرمە جازاسىن الدى.
تەرگەۋ ورگاندارىنىڭ بولجامىنشا, قىلمىستى قازٸر اقش-تا تۇرىپ جاتقان ىقپالدى دٸندار فەتحۋللاح گيۋلەننٸڭ جاقتاستارى ۇيىمداستىرعان. سوت تەرگەۋ تارابىنىڭ بولجامىن قولدادى. بۇعان دەيٸن بيلٸك گيۋلەندٸ 2016 جىلى ەسكەري تٶڭكەرٸس جاساۋعا تىرىستى دەپ ايىپتاپ, ەلدەگٸ مىڭداعان جاقتاسىن قاماعان. ال گيۋلەن شابۋىلعا قاتىسى جوعىن ايتادى.
ديپلوماتتىڭ جەسٸرٸ مارينا كارلوۆا بي-بي-سي سايتىنىڭ ورىس قىزمەتٸنە بەرگەن سۇحباتىندا شابۋىلعا دەيٸن كٷيەۋٸنە كەمٸندە تٶرت رەت قوقان-لوقى جاسالعانىن ايتقان. كەيٸنٸرەك قوسىمشا كٷزەتپەن قامتاماسىز ەتٸلگەن.
كارلوۆا تەرگەۋ ورىندارى قىلمىستى اشتى, ناعىز ۇيىمداستىرۋشىلارىن انىقتادى دەپ سانامايدى. "بۇل ٸس اشىلادى دەپ تە سانامايمىن" دەدٸ ول.
