تٷركييا تۇرعىندارى رەسپۋبليكانىڭ نەگٸزٸن قالاۋشى, تانىمال مەملەكەت قايراتكەرٸ, ساياساتكەر جەنە رەفورما قۇرۋشى مۇستافا كەمال اتاتٷرٸكتٸ ٷنسٸزدٸك مينۋتىمەن ەسكە الدى, دەپ حابارلايدى قازاقپارات انادولى اگەنتتٸگٸنە سٸلتەمە جاساپ.
بٷكٸل ەل اۋماعىندا سەرسەنبٸ جەرگٸلٸكتٸ ۋاقىتپەن ساعات 09:05-تە ٷنسٸزدٸكتٸڭ جارييالانعانىن بٸلدٸرەتٸن دابىل وينالدى. 83 جىل بۇرىن دەل وسى مينۋتتا ىستانبۇلداعى «دولماباحچە» سارايىندا تٷركييا رەسپۋبليكاسىنىڭ نەگٸزٸن قالاۋشى جەنە تۇڭعىش پرەزيدەنتٸ قايتىس بولعان.
ەلدە كٶلٸك قوزعالىسى بٸر مينۋتقا تولىق توقتاتىلىپ, كٶپتەگەن جٷرگٸزۋشٸ مەن جولاۋشىلار كٶلٸكتەن شىعىپ, مەملەكەتتٸك قايراتكەرگە قۇرمەت كٶرسەتتٸ. دابىل ويناتىلىپ بٸتكەن سوڭ بٷكٸل ەلدە رەسمي رەسٸمدەر باستالدى. ولاردىڭ باستىسى انكارادا مەملەكەتتٸڭ بٸرٸنشٸ تۇلعالارىنىڭ قاتىسۋىمەن ٶتٸپ جاتىر. رەسٸمدەردٸڭ بٸرٸ تٷركييا پارلامەنتٸندە ٶتەدٸ, وندا اتاتٷرٸك مٷسٸنٸنە گٷل شوقتارى قويىلادى.
«دولماباحچە» سارايىنىڭ جانىندا ىستانبۇل تۇرعىندارى مەن قوناقتارى كەزەككە. ولاردىڭ بارلىعى تٷرٸك رەسپۋبليكاسىنىڭ نەگٸزٸن قالاعان قايراتكەردٸڭ سوڭعى كٷندەرٸن ٶتكٸزگەن بٶلمەگە كٸرٸپ شىعۋعا نيەتتٸ. تٷركييانىڭ بٸرٸنشٸ پرەزيدەنتٸ 1938 جىلدىڭ 10 قاراشاسىندا 57 جاسىندا دٷنيە سالدى.
