Túrkiia turǵyndary respýblikanyń negizin qalaýshy, tanymal memleket qairatkeri, saiasatker jáne reforma qurýshy Mustafa Kemal Atatúrikti únsizdik minýtymen eske aldy, dep habarlaidy QazAqparat Anadoly agenttigine silteme jasap.
Búkil el aýmaǵynda sársenbi jergilikti ýaqytpen saǵat 09:05-te únsizdiktiń jariialanǵanyn bildiretin dabyl oinaldy. 83 jyl buryn dál osy minýtta Ystanbuldaǵy «Dolmabahche» saraiynda Túrkiia Respýblikasynyń negizin qalaýshy jáne tuńǵysh prezidenti qaitys bolǵan.
Elde kólik qozǵalysy bir minýtqa tolyq toqtatylyp, kóptegen júrgizýshi men jolaýshylar kólikten shyǵyp, memlekettik qairatkerge qurmet kórsetti. Dabyl oinatylyp bitken soń búkil elde resmi rásimder bastaldy. Olardyń bastysy Ankarada memlekettiń birinshi tulǵalarynyń qatysýymen ótip jatyr. Rásimderdiń biri Túrkiia parlamentinde ótedi, onda Atatúrik músinine gúl shoqtary qoiylady.
«Dolmabahche» saraiynyń janynda Ystanbul turǵyndary men qonaqtary kezekke. Olardyń barlyǵy Túrik respýblikasynyń negizin qalaǵan qairatkerdiń sońǵy kúnderin ótkizgen bólmege kirip shyǵýǵa nietti. Túrkiianyń birinshi prezidenti 1938 jyldyń 10 qarashasynda 57 jasynda dúnie saldy.
