تۇڭعىش پرەزيدەنت كٷنٸنە ارنالعان "جاڭا جاھاندىق بولمىستاعى قازاقستاننىڭ جاڭعىرۋ مودەلٸ" حالىقارالىق پارلامەنتتٸك كونفەرەنتسيياسىندا تٷركييانىڭ ۇلى ۇلتتىق جينالىسى تٶراعاسىنىڭ ورىنباسارى احمەت ايدىن قازاقستاننىڭ لاتىنعا كٶشۋ تۋرالى باستاماسىنىڭ سەتتٸ ٸسكە اسىرىلۋىنا تٸلەكتەستٸك بٸلدٸردٸ, دەپ حابارلايدى Sputnik قازاقستان تٸلشٸسٸ.
"بٸزدٸڭ ەلدەرٸمٸزدٸڭ اراسىنداعى تامىرى تەرەڭ قارىم-قاتىناس ٶزارا تٷسٸنٸستٸك نەگٸزٸندە دامىپ, ستراتەگييالىق ىنتىماقتاستىق دەڭگەيٸنە كٶتەرٸلدٸ. ماڭىزدى مەسەلەلەر بويىنشا تۇراقتى تٷردەگٸ ديالوگ, ەكٸ ەل پرەزيدەنتتەرٸنٸڭ تىعىز جەنە دوستىق قارىم-قاتىناسى جەنە جوعارى دەڭگەيدەگٸ ٶزارا ٸس-ساپارلار بارلىق سالا بويىنشا بايلانىستىڭ دامۋىنا ىقپال ەتتٸ. قازاقستانعا بيىلعى جىلى قىركٷيەكتە جاساعان رەسمي ساپارى بارىسىندا تٷركييا پرەزيدەنتٸ ەردوعان ايتقانداي, بٸز ەكٸ ەل اراسىنداعى ىنتىماقتاستىقتى جاڭا باعىتتار بويىنشا دامىتۋعا مٷددەلٸمٸز", — دەدٸ احمەت ايدىن.
ونىڭ ايتۋىنشا, پرەزيدەنت نازارباەۆتىڭ كەلەسٸ جىلى كٶكتەمدەگٸ تٷركيياعا جوسپارلانعان ساپارى بٸزدٸڭ قارىم-قاتىناسىمىزدى ودان ەرٸ نىعايتا تٷسەتٸنٸ سٶزسٸز.
"فەتحۋللاح گيۋلەننٸڭ تەرروريستٸك ۇيىمىنىڭ 15 ماۋسىمدا مەملەكەتتٸك تٶڭكەرٸس جاساماقشى بولعان ەرەكەتٸنەن كەيٸن نۇرسۇلتان نازارباەۆ بٸرٸنشٸ بولىپ بٸزدٸڭ ەلٸمٸزگە كەلدٸ. وسىلايشا ول بٸزدٸڭ ەلٸمٸز بەن حالقىمىزعا قولداۋ كٶرسەتتٸ", — دەپ اتاپ ٶتتٸ ول.
تٷركييا پارلامەنتٸنٸڭ ٶكٸلٸ ٶز ەلٸنٸڭ قازاقستاننىڭ باستامالارىنا قولداۋ بٸلدٸرەتٸنٸن جەتكٸزدٸ.
"لاتىنعا كٶشۋ جٶنٸندەگٸ شەشٸمنٸڭ سەتتٸ جٷزەگە اسىرىلۋىنا تٸلەكتەسپٸز. بۇدان بٶلەك, قازاقستاندى ەكسپو-2017 كٶرمەسٸن سەتتٸ ٶتكٸزۋٸمەن قۇتتىقتايمىز. بٸزدٸڭ ەلٸمٸز كٶرمەگە بەلسەندٸ قاتىستى, بٸز ٷشٸن بۇل زور قۇرمەت بولدى", — دەگەن احمەت ايدىن "تٷرٸك ەلەمٸنٸڭ اقساقالى نۇرسۇلتان نازارباەۆتىڭ وراسان ەڭبەگٸن" اتاپ ٶتٸپ, قازاقستاندىقتاردى كەلە جاتقان تۇڭعىش پرەزيدەنت كٷنٸمەن قۇتتىقتادى.
