تاۋلى قاراباقتاعى اتىستى توقتاتۋ رەجيمٸنٸڭ مونيتورينگٸ نەگٸزٸندەگٸ بٸرلەسكەن باقىلاۋ ورتالىعى قىزمەتٸنٸڭ تەحنيكالىق اسپەكتٸلەرٸنە ساي رەسەي تاراپى جٷرگٸزگەن كەلٸسسٶزدەردٸڭ قورىتىندىسى بويىنشا تيٸستٸ حاتتاماعا قول قويىلدى, دەپ حابارلايدى انادولى تٷرٸك اقپارات اگەنتتٸگٸ.
بۇل تۋرالى بٷگٸن تٷركييانىڭ ۇلتتىق قورعانىس مينيسترلٸگٸنٸڭ Twitter پاراقشاسىندا جازىلدى. حاتتامادا قاراباق بويىنشا بٸرلەسكەن ورتالىقتىڭ نەگٸزدەرٸ مەن پرينتسيپتەرٸ جازىلعان. تٷركييا مەن رەسەيدٸڭ بٸرٸككەن ورتالىعىنىڭ جۇمىسىن باستاۋ ٷشٸن قاجەتتٸ شارالار اتقارىلىپ جاتىر.
بٸرلەسكەن باقىلاۋ ورتالىعىن قۇرۋ تۋرالى كەلٸسٸمگە 11 قاراشادا تٷركييا مەن رەسەيدٸڭ قورعانىس ۆەدومستۆولارىنىڭ باسشىلارى حۋلۋسي اكار مەن سەرگەي شويگۋ قول قويدى. ەر ەلدەن تاۋلى قاراباقتاعى اتىستى توقتاتۋ رەجيمٸن باقىلاۋ بويىنشا بٸرلەسكەن ورتالىق قىزمەتكەرلەرٸنٸڭ سانى تەڭ بولادى. بۇل تۋرالى سەيسەنبٸدە رەسەي قورعانىس مينيسترلٸگٸنٸڭ رەسمي ٶكٸلٸ يگور كوناشەنكوۆ مەلٸمدەدٸ, دەپ جازادى تاسس.
ونىڭ ايتۋىنشا, اتالعان ورتالىق ەزەربايجان ايماعىندا ورنالاسادى.
«ورتالىقتا جۇمىس ٸستەيتٸن رەسەي جەنە تٷركييا ساربازدارىنىڭ سانى تەڭ بولادى», - دەيدٸ ەسكەري ۆەدومستۆانىڭ رەسمي ٶكٸلٸ.
كوناشەنكوۆتىڭ ايتۋىنشا, رەسەيدٸڭ بٸتٸمگەرشٸلٸك كونتينگەنتٸنٸڭ ەسكەري قىزمەتشٸلەرٸ ستەپاناكەرتتەگٸ زورگە كٶشەسٸ جەنە شۋشا - ليسوگورسكيي باعىتىنداعى گاز قۇبىرى مەن ەلەكتر جەتكٸزۋ جەلٸسٸن جارىلعىش زاتتاردان تازارتقانىن ايتتى.
«بٸر تەۋلٸك ٸشٸندە 5 گەكتاردان استام اۋماق, ەكٸ شاقىرىم جول تازارتىلىپ, 109 جارىلعىش زات تابىلدى جەنە ولار ارنايى جابدىقتالعان پوليگونعا جەتكٸزٸلٸپ, جويىلدى», - دەيدٸ ول.
سونداي-اق, ول تاۋلى قاراباقتاعى ينجەنەرلٸك بٶلٸمدەر 34 گەكتاردان استام جەر, 12 شاقىرىمعا جۋىق جولدى تازارقانىن, 110-نان استام ٷي مەن ەلەۋمەتتٸك نىساندار تەكسەرٸلٸپ, 1077 جارىلعىش زات تابىلىپ, زالالسىزداندىرىلعانىن ايتتى.
سونىمەن قاتار, رەسەيدٸڭ بٸتٸمگەرشٸلٸك كٷشتەرٸ تاۋلى قاراباقتاعى ماڭىزدى ينجەنەرلٸك كوممۋنيكاتسييالاردى قالپىنا كەلتٸرۋدە جٶندەۋ بريگادالارىنا كٶمەك كٶرسەتۋدە, ال رەسەيدٸڭ قورعانىس مينيسترلٸگٸنٸڭ ارنايى ماقساتتاعى مەديتسينالىق بٶلٸمشەسٸنٸڭ ەسكەري دەرٸگەر-ماماندارىنىڭ توبى مامانداندىرىلعان مەديتسينالىق كٶمەك كٶرسەتەدٸ. رەسەيدٸڭ بٸتٸمگەرشٸلٸك كٷشتەرٸ مەن حالىقارالىق قىزىل كرەست كوميتەتٸنٸڭ ٷيلەستٸرۋٸمەن قۇربان بولعانداردىڭ دەنەلەرٸن ٸزدەۋ جەنە الماسۋ جۇمىستارى جالعاسۋدا.
