تٷركييا بيلٸگٸنٸڭ حابارلاۋىنشا, ەكٸ تەۋلٸكتە يران شەكاراسىنا جاقىن ماڭدا 133 زاڭسىز ميگرانت ۇستالدى. تٷركييا پوليتسيياسىنىڭ مەلٸمەتٸنشە, 73 اۋعان ازاماتى 17 شٸلدەدە ۆان پروۆينتسيياسىندا, تاعى 60 ميگرانت, سونىڭ ٸشٸندە 59 اۋعان ازاماتى 18 شٸلدەدە وسى پروۆينتسييادا ۇستالدى, دەپ حابارلايدى ازاتتىق.
ٶتكەن ايدا تٷركييا, اۋعانستان جەنە يران سىرتقى ٸستەر مينيسترلەرٸ باس قوسىپ, كٶشٸ-قون سالاسىندا ەرٸپتەستٸك ورناتۋ مەسەلەسٸن تالقىلاعان. حالىقارالىق كواليتسييا كٷشتەرٸ اۋعانستاننان شىعارىلا باستاعالى بەرٸ ميگرانتتار كٶشٸ ارتتى.
ساراپشىلاردىڭ بولجامىنا قاراعاندا, 2021 جىلعى قاڭتاردان بەرٸ 270 مىڭ اۋعان ورىن اۋىستىرۋعا مەجبٷر بولعان. قاۋٸپسٸز جەر ٸزدەۋشٸلەر مەن زورلىق-زومبىلىقتان قاشقاندار سانى 3,5 ميلليوننان استى.
اۋعان ميگرانتتارىنىڭ دەنٸ تٷركيياعا قاراي قاشادى. بۇل ەلدە تٶرت مىڭنان استام بوسقىن تۇرىپ جاتىر. ولاردىڭ دەنٸ سيرييادان كەلگەن.
