Túrkiia biliginiń habarlaýynsha, eki táýlikte Iran shekarasyna jaqyn mańda 133 zańsyz migrant ustaldy. Túrkiia politsiiasynyń málimetinshe, 73 aýǵan azamaty 17 shildede Van provintsiiasynda, taǵy 60 migrant, sonyń ishinde 59 aýǵan azamaty 18 shildede osy provintsiiada ustaldy, dep habarlaidy Azattyq.
Ótken aida Túrkiia, Aýǵanstan jáne Iran syrtqy ister ministrleri bas qosyp, kóshi-qon salasynda áriptestik ornatý máselesin talqylaǵan. Halyqaralyq koalitsiia kúshteri Aýǵanstannan shyǵaryla bastaǵaly beri migranttar kóshi artty.
Sarapshylardyń boljamyna qaraǵanda, 2021 jylǵy qańtardan beri 270 myń aýǵan oryn aýystyrýǵa májbúr bolǵan. Qaýipsiz jer izdeýshiler men zorlyq-zombylyqtan qashqandar sany 3,5 millionnan asty.
Aýǵan migranttarynyń deni Túrkiiaǵa qarai qashady. Bul elde tórt myńnan astam bosqyn turyp jatyr. Olardyń deni Siriiadan kelgen.
