اقش پرەزيدەنتٸ دونالد ترامپ امەريكا ەسكەرٸن سيرييانىڭ سولتٷستٸك-شىعىس اۋدانىنان شىعارۋ جايلى ايتا كەلە ولاردى ٷيٸنە قايتارۋ كەرەكتٸگٸن مەلٸمدەدٸ.
ترامپتىڭ سٶزٸنە قاراعاندا «يسلام مەملەكەتٸ» ەكسترەميستٸك توپتارىنىڭ قولعا تٷسكەن تۇتقىندارىنىڭ ەرٸ قارايعى تاعدىرىن تٷركييا مەن ەۋروپا ەلدەرٸ ٶزدەرٸ شەشۋٸ تيٸس.
ترامپ ٶزٸنە تٷركييا ۇنامايتىنداي ەرەكەت جاسايتىن بولسا, وندا تٷركييا ەكونوميكاسىن تالقاندايتىنىن مەلٸمدەدٸ:
«بۇعان دەيٸن دە كەسٸپ ايتقان ەدٸم, تاعى دا قايتالايىن: ەگەر تٷركييا بٸردەڭەنٸ بٷلدٸرەتٸن بولسا, ٶزٸمنٸڭ ۇلى جەنە تەڭدەسسٸز دانالىعىمعا قاراماستان مۇنى شەكتەن شىعۋ دەپ قابىلداپ, تٷركييا ەكونوميكاسىن تولىعىمەن كٷيرەتٸپ, جوق قىلامىن (بۇرىن دا سولاي ٸستەگەنمٸن!)
ترامپتىڭ قارسىلاستارى سيرييانىڭ سولتٷستٸك-شىعىس اۋداندارىنان اقش ەسكەرٸن الىپ كەتسە, سيرييا دەموكراتييالىق كٷشتەرٸ مەن اقش-تىڭ وداقتاستارى قيىن جاعدايدا قالادى, «يسلام مەملەكەتٸ» سودىرلارىمەن كٷرەسكە قاۋٸپ تٶنەدٸ دەپ سانايدى.
«امەريكا داۋىسىنىڭ» جازۋىنشا, ەدەتتە ترامپتى قولدايتىن رەسپۋبليكاشىل سەناتور ليندسي گرەم Fox News-كە بەرگەن سۇقباتىندا ترامپتىڭ سيرييا جٶنٸندەگٸ شەشٸمٸن ايىپتاي سٶيلەگەن. ترامپتىڭ ەرەكەتٸ يراننىڭ, سيرييا پرەزيدەنتٸ باشار اساد پەن «يسلام مەملەكەتٸنٸڭ» ٷلكەن جەڭٸسكە جەتكەنٸن بٸلدٸرەدٸ دەپ سانايتىنىن ايتقان.
ترامپ "اقش قازٸردٸڭ ٶزٸندە «يسلام مەملەكەتٸنٸڭ حاليفاتىن» جەڭدٸ, سٶيتٸپ ەلدەكٸمدەر كٷتكەندەگٸدەن ەلدەقايدا زور جۇمىس ٸستەدٸ" دەپ مەلٸمدەدٸ.
اقش پرەزيدەنتٸ «رەسەي مەن قىتاي ۆاشينگتوننىڭ سيرييا تٶڭٸرەگٸندەگٸ قارۋلى قاقتىعىستان شىققانىن قالامايدى, ٶيتكەنٸ ولار اقش-تىڭ بٸتپەيتٸن سوعىسقا بەلشەسٸنەن باتىپ جٷرە بەرگەنٸن دۇرىس كٶرەدٸ» دەپ مەلٸمدەدٸ.
ترامپ 6 قازاندا تٷركييا پرەزيدەنتٸمەن تەلەفون ارقىلى سٶيلەسكەن. وسىدان كەيٸن ترامپ سيرييانىڭ سولتٷستٸگٸندە ەسكەري وپەراتسييا جٷرگٸزگٸسٸ كەلەتٸن رەدجەپ ەردوعاندى قولدامايتىنىن جارييالاعان. ترامپتىڭ سٶزٸنە قاراعاندا, اقش ەسكەرٸ ول وپەراتسيياعا قاتىسپايدى.
