تٷركٸستان قالاسىن دامىتۋدا اۋقىمدى جۇمىستار اتقارىلۋدا. قالانىڭ ەكٸمشٸلٸك-ٸسكەرلٸك ورتالىعىندا ەلەۋمەتتٸك نىساندار مەن تۇرعىن ٷيلەرگە 100 شاقىرىم ينجەنەرلٸك ينفراقۇرىلىم تارتىلعان, دەپ حابارلايدى "ۇلت اقپارات".
وبلىس ەكٸمٸ ٶمٸرزاق شٶكەەۆ حالىقپەن ەسەپ بەرۋ كەزدەسۋٸندە اتاپ ٶتكەندەي, ٶڭٸردٸڭ ەلەۋمەتتٸك-ەكونوميكالىق دامۋى مەن ساياسي تۇراقتىلىقتى قامتاماسىز ەتۋ بويىنشا جۇمىستار ٶز جالعاسىن تاۋىپ كەلەدٸ. ال, رۋحاني-مەدەني ورتالىقتا قۇرىلىسى جٷرزٸلگەن 9 نىساننىڭ جەتەۋٸ پايدالانۋعا بەرٸلگەن. سونىمەن قاتار, تۇڭعىش پرەزيدەنت ساياباعى, ن.نازارباەۆ اللەياسى (اربات), جەلٸلٸك ساياباقتار, گٷلزارلار, قوجا احمەت ياساۋي مەن رەبييا سۇلتان بەگٸم كەسەنەلەرٸن قالپىنا كەلتٸرۋ جۇمىستارى جٷرگٸزٸلگەن. ەزٸرەت سۇلتان قورىق مۇراجايىنىڭ اۋماعىن اباتتاندىرۋ, كٷلتٶبە كٶنە قونىسىنىڭ تاريحي ورىندارىن قالپىنا كەلتٸرۋ جۇمىستارى اتقارىلۋدا. بۇعان قوسا, ەكٸمشٸلٸك-ٸسكەرلٸك ورتالىعىندا 28 گەكتار اۋماققا دەندروساياباعىنىڭ قۇرىلىسى جەنە 9 گەكتار اۋماققا ساياباقتىڭ جانىنان جاساندى كٶلدٸڭ قۇرىلىسى باستالعان.
«جالپى, قالا تۇرعىندارىن ٶمٸر ساپاسىن جاقسارتۋ مەن ەل-اۋقاتىن ارتتىرۋ ماقساتىندا بٷگٸنگٸ تاڭدا قالا حالقىن قاجەتتٸ ينجەنەرلٸك ينفراقۇرىلىم جٷيلەرٸمەن قامتاماسىز ەتٸلۋدە. ونىڭ ٸشٸندە ەرەكشە توقتاپ اتاپ ٶتەتٸن بولسام, تٷركٸستان قالاسىن تولىق تابيعي گازبەن گازداندىرۋ مەسەلەسٸ بولاتىن. گاز قۇبىرلارىن تارتۋ جۇمىستارى 100 % اياقتالىپ, 42 مىڭنان استام ابونەنت گازبەن جابدىقتاۋ جەلٸلەرٸنە قوسىلىپ, 26 400 ابونەنت (63%) كٶگٸلدٸر وتىن تۇتىنۋدا. بۇدان بٶلەك, ەكٸمشٸلٸك - ٸسكەرلٸك ورتالىعىندا جالپى اۋدانى 465,3 مىڭ شارشى مەتر نەمەسە 9052 پەتەردٸ قۇرايتىن 177 كٶپ قاباتتى تۇرعىن ٷيدٸڭ قۇرىلىسى جٷرگٸزٸلۋدە. جىل قورىتىندىسىمەن 28 ٷيدٸڭ قۇرىلىسى اياقتالىپ, 1150 پەتەر پايدالانۋعا بەرٸلدٸ», - دەدٸ ٶمٸرزاق شٶكەەۆ.
ٶڭٸردٸڭ ەلەۋەتٸ مەن تۋريزم سالاسىن كٶتەرەتٸن بٸردەن-بٸر ٸرٸ جوبا تٷركٸستان قالاسىنىڭ حالىقارالىق ەۋەجايىنىڭ قۇرىلىسىن اتاپ ٶتۋگە بولادى. تٷركٸستان حالىقارالىق ەۋەجايى بىلتىر ەلٸمٸزدٸڭ تۇڭعىش پرەزيدەنتٸ – ەلباسى ن.ە.نازارباەۆتىڭ قاتىسۋىمەن تەحنيكالىق ٸسكە قوسىلىپ, 1 جەلتوقساندا نۇر-سۇلتان قالاسىنا العاشقى ەۋە رەيسٸ ۇشا باستادى. بٷگٸندە ەۋەجايدان نۇر-سۇلتان جەنە الماتى قالالارىنا ەۋە رەيستەرٸ ورىندالۋدا. الداعى ۋاقىتتا ەلٸمٸزدٸڭ ٶزگە قالالارىنا جەنە شەتەلگە ەۋە رەيستەرٸن ۇيىمداستىرۋ جوسپارلانىپ وتىر. سونىمەن قاتار, جەكە سالىمشىلار تاراپىنان «كەرۋەن - ساراي» كەشەنٸ, حالىقارالىق ستاندارتقا ساي «Rixos Turkistan», «Hampton by Hilton Turkistan», «نۇرەلەم» قوناق ٷيلەرٸ سىندى ٸرٸ جوبالار سالىندى. «كەرۋەن - ساراي» كەشەنٸ –كٶنە شاھاردىڭ سەۋلەتٸنە كٶرٸك بەرەتٸن شىعىس ٷلگٸسٸندەگٸ كٶپفۋنكتسيونالدى زاماناۋي تۋريستٸك جوبا سانالادى. جالپى, تٷركٸستان قالاسىنىڭ باس جوسپارىنا سەيكەس, وبلىستا العاش رەت 7 700 گا اۋماققا جاسىل بەلدەۋ قۇرىلىپ, ٶتكەن جىلى 2400 گا اۋماققا 1 ميلليوننان استام كٶشەت وتىرعىزىلدى. جوسپارلانعان مەجە بيىل تولىعىمەن ٸسكە اسىرىلماق.
