تٷركٸستانداعى حالىقارالىق تۋريزم جەنە مەيماندوستىق ۋنيۆەرسيتەتٸ ستۋدەنتتەردٸ قابىلداۋعا دايىن ەمەس. بۇل تۋرالى قر پرەمەر-مينيسترٸ اسقار مامينگە دەپۋتاتتىق ساۋال جولداعان سەناتور ەلٸمجان قۇرتاەۆ ايتتى, دەپ حابارلايدى "ۇلت اقپارات".
«بيىل قر تۇڭعىش پرەزيدەنتٸ - ەلباسى نۇرسۇلتان ەبٸشۇلى نازارباەۆتىڭ باستاماسىمەن جەنە مەملەكەت باسشىسى قاسىم-جومارت توقاەۆتىڭ تاپسىرماسى نەگٸزٸندە تٷركٸستان قالاسىندا حالىقارالىق تۋريزم جەنە مەيماندوستىق ۋنيۆەرسيتەتٸ اشىلدى. جاڭا ۋنيۆەرسيتەت قازاقستان رەسپۋبليكاسىندا تۋريستٸك قىزمەتتٸ دامىتۋدىڭ مەملەكەتتٸك باعدارلاماسى اياسىندا قۇرىلدى. تٷركٸستان قالاسى - تەگٸ بٸر, تاريحى ورتاق تٷركٸ ەلدەرٸنٸڭ تٷپ قازىعى. بٷگٸندە تٷركٸستان يسٸ مۇسىلمان ەلدەرٸ ٷشٸن عانا ەمەس, دٷنيەجٷزٸ حالقى ٷشٸن دە قادٸرلٸ مەكەنگە اينالعان. جىل سايىن ەلەمنٸڭ تٷكپٸر-تٷكپٸرٸنەن 1 ملن استام ادام كەلەدٸ, 2025 جىلى تٷركٸستان ٶڭٸرٸنە 5 ملن جۋىق تۋريست كەلەدٸ دەپ جوسپارلانۋدا. تۋريزمدٸ دامىتىپ, ساياحاتشىلارعا ساپالى قىزمەت كٶرسەتۋ ماقساتىندا, تۋريزم جەنە قوناقجايلىلىق سالاسىنداعى مامانداردى دايارلاۋ ٷشٸن قازاقستانداعى حالىقارالىق دەڭگەيدەگٸ العاشقى مامانداندىرىلعان ۋنيۆەرسيتەتتٸ اشۋدىڭ ماڭىزىن اتاپ ٶتكەن جٶن», - دەدٸ سەناتور.
ونىڭ ايتۋىنشا, ۋنيۆەرسيتەت تٷلەكتەرٸ حالىقارالىق ستاندارتتىڭ قوس ديپلومىن - قازاقستاندىق جەنە شەتەلدٸك سەرٸكتەس ۋنيۆەرسيتەتتەن الادى.
«تٷركٸستان قالاسىنداعى جاڭا حالىقارالىق تۋريزم ۋنيۆەرسيتەتٸ بيىلدان باستاپ تالاپكەرلەردٸ قابىلدادى. 2020-2021 جىلعى وقۋ جىلىنا 800 گرانت بٶلٸنگەن. العاشقى 588 ستۋدەنت 6 بٸلٸم باعدارلاماسى بويىنشا وقۋدى باستادى. كوروناۆيرۋس پاندەميياسى ٸس جٷزٸندە ٷلكەن جانجالدان قۇتقاردى دەۋگە بولادى. سەبەبٸ اتالعان ستۋدەنتتەر ونلاين رەجيمدە وقىپ جاتىر. بٸزدٸ تاڭ قالدىرعان جاعداي - وسى ۋاقىتقا دەيٸن اتالعان ۋنيۆەرسيتەت عيماراتتارىن جابدىقتاۋعا بيۋدجەت قاراجاتىن بٶلۋ مەسەلەسٸ شەشٸلمەگەندٸگٸ بولىپ وتىر», - دەدٸ ول.
سەناتور دەرەگٸنشە, تٷركٸستان وبلىسىنىڭ ەكٸمدٸگٸ 4 عيمارات بٶلگەن. ونىڭ ەكەۋٸ - جاڭا بولسا, ەكەۋٸ - جٶندەۋدەن ٶتكەن بۇرىنعى عيماراتتار. بٷگٸنگٸ تاڭدا عيماراتتار قاڭىراپ بوس تۇر.
«بٸلٸم مينيسترلٸگٸنٸڭ بولجامىنا سەيكەس, كەلەسٸ وقۋ كەزەڭٸندە ستۋدەنتتەر وقۋ ورنىنا بارىپ, دەستٷرلٸ فورماتتا وقيدى. بٸراق حالىقارالىق تۋريزم جەنە مەيماندوستىق ۋنيۆەرسيتەتٸ ستۋدەنتتەرٸ بۇل جاعدايدا قالاي وقىماق?», - دەگەن ەلٸمجان قۇرتاەۆ ٷكٸمەت باسشىسىنان وسى مەسەلەنٸ شەشۋ ٷشٸن قاراجات بٶلۋدٸ سۇرادى.
