تٷركٸستان وبلىسى ورتالىعىندا جەتٸساي اۋدانىنىڭ مەدەني كٷندەرٸ ٶتتٸ, دەپ حابارلايدى «ۇلت اقپارات» تٷركٸستان وبلىسى ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
«تٷركٸستان – تٷركٸ ەلەمٸنٸڭ جٷرەگٸ» اتتى اۋدان-قالالاردىڭ مەدەنيەت كٷندەرٸ اياسىندا «كەرۋەن ساراي» تۋريستٸك كەشەنٸندە ۇيىمداستىرىلعان «جەر جۇماعى جەتٸسايدىڭ – رۋحاني تٷركٸستانعا تارتۋى» اتتى مەرەكەلٸك شارا كەلۋشٸ كٶرەرمەنگە ەرەكشە كٶڭٸل-كٷي سىيلادى. مۇندا اۋداننىڭ قولٶنەر جەنە قىلقالام شەبەرلەرٸنٸڭ, اۋىل شارۋاشىلىعى تاۋارٶندٸرۋشٸلەرٸنٸڭ, «تۋعان جەرٸم, جۇماعىم – جەتٸسايىم!» اتتى رۋحاني كٸتاپ جەنە جەتٸساي اۋدانى ەتنومەدەني ورتالىقتارىنىڭ «جەتٸساي – بٸرلٸك پەن تاتۋلىقتىڭ مەكەنٸ!» اتتى اۋدانداعى تٷرلٸ ەتنوس ٶكٸلدەرٸنٸڭ ۇلتتىق تاعامدارىنىڭ كٶرمەلەرٸ ۇيىمداستىرىلدى.
الدىمەن جەتٸساي اۋدانى ەكٸمٸنٸڭ ورىنباسارى سەرٸك پٸرٸمبەكوۆ پەن تٷركٸستان وبلىستىق مەدەنيەت باسقارماسىنىڭ باس مامانى ەرجٸگٸت سارتاەۆ باستاعان توپ ارنايى دايىندالعان كٶرمەنٸ تاماشالادى. سودان سوڭ مەدەنيەت كٷندەرٸ اۋدان ٶنەرپازدارىنىڭ گالا-كونتسەرتٸنە ۇلاستى. ەرٸ قاراي تەك اۋداننىڭ عانا ەمەس ەل ماقتانىشىنا اينالعان بٶرٸ يسا, مۇحتار قۇرالوۆ سىندى تالانتتاردىڭ شىعارمالارى ورىندالىپ, ەجەلەر توبى جەنە بيشٸلەر ٶنەر كٶرسەتسە, كٷمٸس كٶمەي ەنشٸلەر «تٷركٸستان» دەپ ەن شىرقادى. كەش سوڭىندا مەرەكەلٸك وتشاشۋ ۇيىمداستىرىلدى.
كەلەسٸ كٷنٸ «كەرۋەن ساراي» تۋريستٸك كەشەنٸندە بالالار جىلى» اياسىندا جەتٸساي اۋدانىنىڭ ادامي ەلەۋەتتٸ دامىتۋ بٶلٸمٸنە قاراستى مەكتەپ وقۋشىلارىنىڭ «تٷركٸستان – بولاشاق بالعىنداردىڭ قۇتتى مەكەنٸ» اتتى كونتسەرتتٸك باعدارلاماسى ٶتتٸ. مۇندا جاس دارىندار ساحنادا ٶز ٶنەرٸن ٷلكەندەرمەن بٸرگە شىڭداپ, كٶپشٸلٸكتٸ تەنتٸ ەتتٸ. ەسكە سالا كەتەيٸك, اتالمىش شارالار قالا قوناقتارى مەن تۇرعىندارىنا, تۋريستەرگە مەدەني-رۋحاني دەمالىس سىيلاۋعا ارنالعان. سونداي-اق بۇل اۋدان-قالالار اراسىنداعى سايىس نە بايقاۋ ەمەس. الداعى اپتا سوڭىندا سايرام اۋدانىنىڭ مەدەنيەت كٷندەرٸ كەلەدٸ دەپ جوسپارلانىپ وتىر.
