زاڭسىز تاسىمالداۋدىڭ ٶرشۋٸنەن ٶڭٸردە جول-كٶلٸك وقيعالارى كٶبەيٸپ, تاس جولدار جارامسىز كٷيگە تٷسٸپ جاتىر. ايىپپۇل تٶلەۋمەن شەكتەلگەن كٶلٸك جٷرگٸزۋشٸلەرٸنٸڭ جۇمىسىن قاداعالاۋ ٷشٸن ٶڭٸردە ارنايى رەيد شارالارى ٶتەدٸ. تٷركٸستان وبلىسى اۋماعىنداعى زاڭسىز تاسىمالمەن كٷرەس جەنە جول سالاسىنداعى ٶزەكتٸ مەسەلەلەر وبلىس ەكٸمٸ ٶمٸرزاق شٶكەەۆتٸڭ تٶراعالىعىمەن ٶتكەن اپتالىق اپپارات وتىرىسىندا تالقىلاندى, دەپ حابارلايدى «ۇلت اقپارات» تٷركٸستان وبلىسى ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
«زاڭسىز جولاۋشى تاسىمالى, جول قاۋٸپسٸزدٸگٸنە قاتىستى شاعىمدار كٶبەيدٸ. جول پوليتسيياسى مەن كٶلٸكتٸك باقىلاۋ ينسپەكتسيياسى تاراپىنان ولاردىڭ بەرٸ تەكسەرٸلۋٸ تيٸس. جولدىڭ ساپاسىن بۇزاتىن ٸرٸ جٷك كٶلٸكتەرٸنە دە قاداعالاۋ كٷشەيتٸلسٸن. ەر كارەر ماڭىندا جٷكتٸڭ سالماعىن ٶلشەيتٸن تارازىسى بولۋى كەرەك. جولاۋشىلاردىڭ قاۋٸپسٸزدٸگٸ, جولدىڭ ساپاسى بويىنشا رەيدتەر جالعاسقانى جٶن», – دەدٸ ٶمٸرزاق شٶكەەۆ.
تٷركٸستان وبلىسى جولاۋشىلار كٶلٸگٸ جەنە اۆتوموبيل جولدارى باسقارماسىنىڭ باسشىسى ر.يبراگيموۆتىڭ بايانداۋىنشا, بيىل اۆتوجولداردىڭ جاقسى جەنە قاناعاتتى جاعدايداعى ٷلەسٸ 92% جەتكەن. ال وبلىستىق ماڭىزى بار 200 شاقىرىم جول اۋىر جٷك كٶلٸكتەرٸنٸڭ بەلگٸلەنگەن تالاپتان اسىرا جٷك تاسىمالداۋىن سالدارىنان مەرزٸمٸنەن بۇرىن جارامسىز جاعدايعا تٷسٸپ وتىر. تاعى 865 شاقىرىم جولدىڭ مەرزٸمٸنەن بۇرىن جارامسىزدانۋ قاۋپٸ بار.
اتالعان جولداردىڭ باسىم بٶلٸگٸ سايرام, ورداباسى, ارىس, قازىعۇرت, ساۋران اۋداندارىندا ورنالاسقان. جىل باسىنان بەرٸ جٷرگٸزٸلگەن رەيدتٸك ٸس-شارالارىنىڭ نەتيجەسٸندە جالپى 151 ملن. تەڭگەدەن استام ايىپپۇل سالىنعان. اۋىر سالماقتى كٶلٸكتەردٸڭ قوزالىسىن رەتتەۋ ماقساتىندا جول بەلگٸلەرٸ قويىلىپ, تيٸستٸ شارالار جاسالۋدا. مەسەلە باقىلاۋعا الىنىپ, جۇمىس كٷشەيتٸلەدٸ. زاڭسىز جولاۋشى تاسىمال مەسەلەسٸ دە نازارعا الىنادى. ەسٸرەسە «الفارد» كٶلٸگٸنە سىن-ەسكەرتپە كٶپ
تٷركٸستان وبلىسى بويىنشا كٶلٸكتٸك باقىلاۋ ينسپەكتسيياسى تاراپىنان جاسالعان تالداۋ كٶرسەتكەندەي, تٷركٸستان وبلىسىندا جۇمىس اتقارتىن 160 كارەردٸڭ 20-سىندا عانا تارازى بار. ال قالعان 140 كارەردە باقىلاۋ-ٶتكٸزۋ پۋنكتتەرٸ, جٶنەلتٸلەتٸن جەنە كەلٸپ تٷسەتٸن جٷكتٸڭ ساپاسى مەن ماسساسىن انىقتاۋعا مٷمكٸندٸك بەرەتٸن تارازى جەنە باسقا جابدىقتارى جوق. ەندٸگٸ كەزەكتە ٶزەننەن تاس تاسيتىن اۋىر سالماقتى اۆتوكٶلٸكتەر دە جاپپاي تەكسەرٸلەدٸ. كارەردەگٸ سالماق ٶلشەيتٸن تارازىنىڭ ورناتىلۋى قاتاڭ قاداعالانادى. زاڭ بۇزۋشىلىقتارعا جول بەرگەندەردٸڭ ٸسٸ قۇزىرلى ورگاندارعا ٶتكٸزٸلەدٸ.
