Zańsyz tasymaldaýdyń órshýinen óńirde jol-kólik oqiǵalary kóbeiip, tas joldar jaramsyz kúige túsip jatyr. Aiyppul tóleýmen shektelgen kólik júrgizýshileriniń jumysyn qadaǵalaý úshin óńirde arnaiy reid sharalary ótedi. Túrkistan oblysy aýmaǵyndaǵy zańsyz tasymalmen kúres jáne jol salasyndaǵy ózekti máseleler oblys ákimi Ómirzaq Shókeevtiń tóraǵalyǵymen ótken aptalyq apparat otyrysynda talqylandy, dep habarlaidy «Ult aqparat» Túrkistan oblysy ákimdiginiń baspasóz qyzmetine silteme jasap.
«Zańsyz jolaýshy tasymaly, jol qaýipsizdigine qatysty shaǵymdar kóbeidi. Jol politsiiasy men kóliktik baqylaý inspektsiiasy tarapynan olardyń bári tekserilýi tiis. Joldyń sapasyn buzatyn iri júk kólikterine de qadaǵalaý kúsheitilsin. Ár karer mańynda júktiń salmaǵyn ólsheitin tarazysy bolýy kerek. Jolaýshylardyń qaýipsizdigi, joldyń sapasy boiynsha reidter jalǵasqany jón», – dedi Ómirzaq Shókeev.
Túrkistan oblysy jolaýshylar kóligi jáne avtomobil joldary basqarmasynyń basshysy R.Ibragimovtyń baiandaýynsha, biyl avtojoldardyń jaqsy jáne qanaǵatty jaǵdaidaǵy úlesi 92% jetken. Al oblystyq mańyzy bar 200 shaqyrym jol aýyr júk kólikteriniń belgilengen talaptan asyra júk tasymaldaýyn saldarynan merziminen buryn jaramsyz jaǵdaiǵa túsip otyr. Taǵy 865 shaqyrym joldyń merziminen buryn jaramsyzdaný qaýpi bar.
Atalǵan joldardyń basym bóligi Sairam, Ordabasy, Arys, Qazyǵurt, Saýran aýdandarynda ornalasqan. Jyl basynan beri júrgizilgen reidtik is-sharalarynyń nátijesinde jalpy 151 mln. teńgeden astam aiyppul salynǵan. Aýyr salmaqty kólikterdiń qozalysyn retteý maqsatynda jol belgileri qoiylyp, tiisti sharalar jasalýda. Másele baqylaýǵa alynyp, jumys kúsheitiledi. Zańsyz jolaýshy tasymal máselesi de nazarǵa alynady. Ásirese «Alfard» kóligine syn-eskertpe kóp
Túrkistan oblysy boiynsha kóliktik baqylaý inspektsiiasy tarapynan jasalǵan taldaý kórsetkendei, Túrkistan oblysynda jumys atqartyn 160 karerdiń 20-synda ǵana tarazy bar. Al qalǵan 140 karerde baqylaý-ótkizý pýnktteri, jóneltiletin jáne kelip túsetin júktiń sapasy men massasyn anyqtaýǵa múmkindik beretin tarazy jáne basqa jabdyqtary joq. Endigi kezekte ózennen tas tasityn aýyr salmaqty avtokólikter de jappai tekseriledi. Karerdegi salmaq ólsheitin tarazynyń ornatylýy qatań qadaǵalanady. Zań buzýshylyqtarǵa jol bergenderdiń isi quzyrly organdarǵa ótkiziledi.
