تٷركٸستان – تٷركٸ ەلەمٸنٸڭ رۋحاني استاناسى. بۇل كٶنە شاھاردىڭ مەرتەبەسٸن پرەزيدەنت قاسىم-جومارت توقاەۆتىڭ ٶزٸ انىقتاپ, رەسمي بەكٸتٸپ بەردٸ. تٷركٸستاننىڭ تٷركٸ ەلەمٸنٸڭ الدىندا مويىندالۋى – ٷلكەن جەتٸستٸك. بۇل تۋرالى «تٷركٸستان» تەلەارناسىنا بەرگەن سۇحباتىندا پارلامەنت سەناتىنىڭ دەپۋتاتى ەلي بەكتاەۆ ايتتى.
ول ايماقتا سوڭعى ٷش-تٶرت جىلدىڭ كٶلەمٸندە اتقارىلىپ جاتقان جۇمىستار قىرۋار ەكەنٸن جەتكٸزدٸ. مەملەكەتٸمٸزدٸڭ رۋحاني استانامىزدى قايتا تٷلەتۋگە مٷمكٸندٸگٸ بولعانى – ٷلكەن ماقتانىش. مۇنى ەلەۋەتٸ جوعارى, ەكونوميكاسى ٸلگەرٸلەگەن مەملەكەت قانا ٸسكە اسىرا الادى.
«بٸز تەۋەلسٸزدٸك جىلدارىندا ەكٸنشٸ استانامىزدى تۇرعىزدىق دەپ ايتۋعا نەگٸز بار. تٷركٸستاندى بٷكٸل ەلەم بۇرىننان-اق تانىعان, بٷكٸل قازاق بۇرىننان تەۋ ەتكەن وندا بارىپ. قازاقتىڭ قانداي باتىرى, بيٸ, سۇلتانى بولماسىن, ٶزدەرٸن تٷركٸستاننىڭ قاسيەتتٸ توپىراعىندا جەرلەۋدٸ ٶسيەت ەتكەن. سول سەبەپتەن, قوجا احمەت ياساۋي كەسەنەسٸنٸڭ ماڭى, ونداعى قورعالعان تٶڭٸرەكتە زەرتتەۋدٸ قاجەت ەتەتٸن جەدٸگەرلەر ٶتە كٶپ. ال قوجا احمەت ياساۋيدٸڭ داڭقى بەرٸمٸزگە مەلٸم, ون تٶرتٸنشٸ, ون بەسٸنشٸ عاسىرلارداعى ورتا ازييادان شىققان عۇلامالاردىڭ بٸرٸ. ونىڭ ٸلٸمٸ, تەلٸمٸ ەلٸ كٷنگە ماڭىزىن جويعان جوق, كٶپتەگەن شەكٸرتتەرٸ بار. قازاقستاندى اتاجۇرتى سانايتىن تٷركييالىقتار سول كەسەنەگە كەلٸپ تەۋ ەتەدٸ», – دەدٸ حالىق قالاۋلىسى.
دەپۋتات ايماقتىڭ تۋريزمٸ سوڭعى كەزدەرٸ ايرىقشا دامىپ جاتقانىن اتاپ ٶتتٸ. تۋريستەردٸڭ سانى بىلتىرعىمەن سالىستىرعاندا ەكٸ ەسە ٶسكەن. وسىدان بٸرنەشە جىل بۇرىن عانا تٷركٸستانعا ساپارلايتىندار 800 مىڭنىڭ اينالاسىندا ەدٸ. ال قازٸر 2 ميلليوننىڭ ٷستٸندە دەگەن دەرەكتەر بار.
«جالپى, قازاقستاندا تۋريزمدٸ بۇدان دا ٶركەندەتەمٸز دەسەك, ەلٸ دە جٷيەلٸ جۇمىستاردى اتقارۋ كەرەك. ٶيتكەنٸ, بٸزدە شەتەلدٸكتەرگە كٶرسەتۋگە لايىقتى ورىندار ٶتە كٶپ. سولاردىڭ بٸرەگەيٸ – تٷركٸستان. وندا دٸني, رۋحاني, ەكونوميكالىق باعىتتا ٸلكٸمدٸ ٸستەردٸ قولعا الۋعا بولادى. ول ٷشٸن ەۋروپالىق ستيلدەگٸ عيماراتتاردى سالىپ قويۋ ازدىق ەتەدٸ. ەڭ الدىمەن, كەسەنەنٸڭ ماڭىنداعى, قورعاۋ اۋماعىنداعى جەدٸگەرلەردٸ تولىقتاي شىعارىپ, زەرتتەۋ كەرەك. ٶيتكەنٸ, حالىق تا, تۋريستەر دە ون ەكٸنشٸ عاسىرداعى, ودان بەرگٸ ۋاقىتتاعى ياسسى شاھارىن كٶرگٸسٸ كەلەدٸ», – دەدٸ ەلي بەكتاەۆ.
ونىڭ پايىمىنشا, تۋريستەردٸڭ دەنٸ تاريحقا قىزىعادى, شىنايى تاريحتى كٶرگٸسٸ كەلەدٸ. ەيتپەسە, دەمالۋ, ساۋدا-ساتتىق جاساۋ قازٸرگٸ تۋريستەرگە تاڭسىق ەمەس.
