تٷركٸستانداعى ق.ا.ياساۋي اتىنداعى حالىقارالىق قازاق-تٷرٸك ۋنيۆەرسيتەتٸنٸڭ مەدەنيەت ورتالىعىندا «تٷركٸستان شەحرەنگيزٸ» اتتى شارا ٶتتٸ. «تٷركٸستان - تٷركٸ ەلەمٸنٸڭ مەدەني استاناسى» جىلى اياسىندا ۇيىمداستىرىلعان شاراعا تٷركٸ حالىقتارىنىڭ سەۋلەتشٸلەرٸ باس قوستى, دەپ حابارلايدى "ۇلت اقپارات".
باسقوسۋدى تٷرٸكسوي حالىقارالىق ۇيىمى, تٷركٸ ەلەمٸ ينجەنەرلەر مەن سەۋلەتشٸلەر وداعى جەنە ق.ا.ياساۋي اتىنداعى حالىقارالىق قازاق-تٷرٸك ۋنيۆەرسيتەتٸ بٸرلەسٸپ ۇيىمداستىردى.
«تٷركٸ ەلەمٸنٸڭ مەدەني استاناسى» مەرتەبەسٸن العان تٷركٸستان قالاسىن قولداۋ ماقساتىندا ۇيىمداستىرىلعان بۇل شاراعا تٷركييادان 40-تان استام دەلەگات قاتىسىپ, قاسيەتتٸ قالانىڭ بولاشاق دامۋىنا بايلانىستى ٶز پٸكٸرلەرٸن ورتاعا سالدى. سونداي-اق, جيىنعا تٷرٸكسوي, تٷرٸكپا, تٷركٸ اكادەميياسى سەكٸلدٸ تٷركٸتٸلدەس حالىقتاردىڭ ورتاق ينتەگراتسييالىق حالىقارالىق ۇيىمدارىنىڭ ٶكٸلدەرٸ كەلدٸ.
ايتا كەتەيٸك, «شەحرەنگيز» سٶزٸ ورتاعاسىردا تٷركٸ مۇسىلمان جۇرتىندا, وتىرىقشى حالىقتاردا قولدانىلىپ, كەيٸن ۇمىت بولعان. قازٸرگٸ تٸلمەن ايتقاندا «قالا كٷنٸ» ۇعىمىنا جاقىن ماعىنا بەرەتٸن سٶز. ورتاعاسىرلىق مۇسىلمان ەلدەرٸنٸڭ قالالارىندا ارنايى بٸر كٷندٸ وسىلاي اتاپ, سول كٷنٸ قالانىڭ بولاشاق دامۋىنا, سەۋلەت نىساندارىنا قاتىستى مەجٸلٸستەر ٶتكٸزٸلگەن. جيىن سوڭى مٷشەيرالارعا, تٷرلٸ ٶنەر سايىستارىنا ۇلاساتىن بولعان. بٸرنەشە جىلدان بەرٸ تٷركيياداعى تٷركٸ ەلەمٸنٸڭ ينجەنەرلەر مەن سەۋلەتشٸلەر وداعى وسى دەستٷردٸ قايتا جانداندىرۋعا كٷش سالۋدا. «قاشعاردان اندالۋسيياعا دەيٸنگٸ تٷركٸ مۇسىلمان قالالارى» اتتى بۇل مەگا-جوبا اياسىندا بۇعان دەيٸن دە ەلەمنٸڭ بٸرنەشە قالاسىندا دەل وسىنداي شارالار ٶتكٸزٸلگەن بولاتىن.
جيىن بارىسىندا سٶز العان تٷركٸ ەلەمٸ ينجەنەرلەر مەن سەۋلەتشٸلەر وداعىنىڭ باس حاتشىسى يلياس دەميردجي تٷركييالىق سەۋلەتشٸلەر تٷركٸستان قالاسىنىڭ دامۋىنا قاتىستى كەز-كەلگەن سەۋلەت-قۇرىلىس جوبالارىنىڭ ەزٸرلەنۋٸ مەن قۇرىلىس جۇمىستارىنىڭ جٷرگٸزٸلۋٸنە قولدان كەلەر كٶمەكتەرٸن بەرۋگە دايىن ەكەندٸكتەرٸن جەتكٸزدٸ.
«تٸپتٸ, ناقتى ۇسىنىستار بولسا, ينۆەستورلاردى تارتۋعا دا مٷددەلٸمٸز», - دەپ اتاپ ٶتتٸ ول.
